លោកប្រធានរដ្ឋសភា Tran Thanh Man អញ្ជើញមកដល់ប្រទេសសិង្ហបុរីចាប់ផ្តើមដំណើរទស្សនកិច្ចជាផ្លូវការនៅសាធារណរដ្ឋសិង្ហបុរី

ទទួលស្វាគមន៍គណៈប្រតិភូនៅអាកាសយានដ្ឋាន មានវត្តមានរបស់បណ្ឌិត Wan Rizal សមាជិកក្រុមមិត្តភាពសភាអាស៊ីអាគ្នេយ៍សិង្ហបុរី លោក Loy Hui Chenអគ្គនាយកនាយកដ្ឋានអាស៊ីអាគ្នេយ៍ទី២ ក្រសួងការបរទេស  និងបុគ្គលិកនៃរដ្ឋសភាសិង្ហបុរី។

តំណាងសហគមន៍ជនវៀតណាមនៅសិង្ហបុរីទទួលស្វាគមន៍លោកប្រធានរដ្ឋសភា Tran Thanh Man និងលោកជំទាវ

ខាងភាគីវៀតណាមមានលោកឯកអគ្គរដ្ឋទូត Mai Phuoc Dung និងកម្មាភិបាលមួយចំនួននៃស្ថានទូតវៀតណាម ប្រចាំនៅសាធារណរដ្ឋសិង្ហបុរី។ បន្ទាប់ពីមកដល់អាកាសយានដ្ឋាន លោកប្រធានរដ្ឋសភា Tran Thanh Man និងលោកជំទាវ អញ្ជើញជួបសំណេះសំណាលជាមួយសហគមន៍ជនវៀតណាម អញ្ជើញទស្សនានិងពិភាក្សាជាមួយកម្មាភិបាលនិងបុគ្គលិកនៃស្ថានទូតវៀតណាមប្រចាំនៅសិង្ហបុរី។

ក្នុងក្របខ័ណ្ឌនៃដំណើរបំពេញទស្សនកិច្ចនៅសាធារណរដ្ឋសិង្ហបុរី លោកប្រធានរដ្ឋសភា Tran Thanh Man នឹងជួបពិភាក្សាការងារជាមួយថ្នាក់ដឹកនាំជាន់ខ្ពស់ទាំងអស់របស់សិង្ហបុរីដូចជា៖ លោកប្រធានរដ្ឋសភា Seah Kian Peng, លោកនាយករដ្ឋមន្ត្រី Lawrence Wong, លោកប្រធានាធិបតី Tharman Shanmugaratnam; ជួបជាមួយសាជីវកម្មឈានមុខគេរបស់សិង្ហបុរីដែលកំពុងវិនិយោគនិងធ្វើអាជីវកម្មនៅវៀតណាម៕

តាម vovworld.vn