ក្រសួងការពារប្រទេសវៀតណាមបើកសមយុទ្ធការពារទប់ទល់យោធភូមិភាគទី៧ ឆ្នាំ២០២៤

លោក​នាយឧត្តមសេនីយ៍​ Phan Van Giang ថ្លែង​ក្នុង​ពិធីបើកសមយុទ្ធ

សមយុទ្ធនេះ ធ្វើឡើងចាប់ពីថ្ងៃទី១ ដល់ថ្ងៃទី៤ ខែធ្នូ ដោយមានការចូលរួមពីស្ថាប័ន អង្គភាពនានានៃកងកម្លាំងប្រដាប់អាវុធ និងមូលដ្ឋាននានាលើភូមិសាស្ត្រយោធភូមិភាគទី៧ រួមជាមួយនឹងប្រភេទទ័ព កងឯកភាពទ័ពជំនាញ ស្ថាប័ននិងអង្គភាពនានានៃក្រសួងការពារប្រទេស។ នេះជាសកម្មភាពយោធាទ្រង់ទ្រាយធំ ដើម្បីត្រួតពិនិត្យ វាយតម្លៃលទ្ធផលហ្វឹកហ្វឺន ការត្រៀមប្រយុទ្ធ និងកសាងការពារជាតិដោយប្រជាជនទាំងមូល។ ការកសាងប្រៀបប្រយុទ្ធការពារជាតិដោយប្រជាជនទាំងមូលដែលផ្សាភ្ជាប់នឹងប្រៀបប្រយុទ្ធសន្តិសុខដោយមានការគាំទ្រពីប្រជាជន និងការកសាងតំបន់ការពារទប់ទល់ក្នុងភូមិសាស្រ្ត។ លើកកំពស់សមត្ថភាពក្នុងការដោះស្រាយស្ថានភាពប្រយុទ្ធជាក់ស្តែង អនុវត្តបច្ចេកទេសនិងបច្ចេកវិទ្យាទំនើប។ បង្កើនការគោរពវិន័យ និងពង្រឹងកម្លាំងប្រយុទ្ធរបស់កងទ័ព។ ធ្វើជាមូលដ្ឋានសម្រាប់ដឹកនាំ និងបញ្ជាអង្គភាពហ្វឹកហ្វឺន និងធ្វើសមយុទ្ធដែលស្របនឹងតម្រូវការបេសកកម្ម...

ប្រតិភូអញ្ជើញ​ចូល​រួម​ពិធីបើក​សមយុទ្ធ

អញ្ជើញថ្លែងមតិក្នុងពិធីបើកសមយុទ្ធនេះ លោកនាយឧត្តមសេនីយ៍ Phan Van Giang បានសង្កត់ធ្ងន់ថា៖ ការប្រយុទ្ធការពារទប់ទល់យោធភូមិភាគមានតួនាទីសំខាន់ក្នុងសង្គ្រាមប្រជាជនការពារមាតុភូមិ ដោយឈរលើមូលដ្ឋានតំបន់ការពារទប់ទល់ខេត្តក្រុងត្រូវបានកសាង និងរៀបចំពីសម័យសន្តិភាព។ ប្រតិបត្តិការប្រយុទ្ធការពារទប់ទល់យោធភូមិភាគមានលក្ខណៈសំយោគខ្ពស់ត្រូវបានរៀបចំឡើងដោយយោធភូមិភាគ និងមានការចូលរួមពីកងទ័ព និងប្រជាជនក្នុងតំបន់ យោធភូមិភាគ ដោយយកកងកម្លាំងប្រដាប់អាវុធរបស់យោធភូមិភាគជាស្នូល រួមជាមួយស្ថាប័ន អង្គភាព វិទ្យាស្ថាន សាលារៀន នៃក្រសួងការពារប្រទេស ដែលឈរជើងនៅភូមិសាស្រ្តនៃយោធភូមិភាគ បង្កើតជាប្រៀបប្រយុទ្ធតាមទិសដៅយុទ្ធសាស្ត្រនីមួយៗរបស់ប្រទេសនៅលើសមរភូមិដែលត្រូវបានកំណត់ក្នុងការប្តេជ្ញាចិត្តការពារមាតុភូមិ។

ដើម្បីឱ្យសមយុទ្ធនេះទទួលបានជោគជ័យ រដ្ឋមន្ត្រីក្រសួងការពារប្រទេសបានកត់សម្គាល់ថា គណៈកម្មការដឹកនាំ និងស្ថាប័ននៃគណៈកម្មការដឹកនាំត្រូវគ្រប់គ្រងសមយុទ្ធនេះឱ្យបានដិតដល់ និងសម្រេចបាននូវគោលដៅ និងតម្រូវការដែលបានកំណត់។ ត្រួតពិនិត្យ និងដឹកនាំការអនុវត្តត្រឹមត្រូវនៃផែនការ; ដកបទពិសោធន៍ភ្លាមៗ ដើម្បីដឹកនាំសមយុទ្ធបន្ទាប់ ជាមួយនឹងតម្រូវការកាន់តែខ្ពស់...

បកប្រែដោយ Duy Hoan