អភិវឌ្ឍទំនាក់ទំនងសហប្រតិបត្តិការរវាងរដ្ឋសភាវៀតណាម និងរដ្ឋសភាកូរ៉េខាងត្បូង

លោកស្រី Nguyen Thi Thanh ថ្លែងក្នុង​ជំនួប (រូប​ថត៖ vnanet.vn)

អញ្ជើញថ្លែងមតិក្នុងជំនួបនេះ លោកស្រី Nguyen Thi Thanh បានឲ្យដឹងថា ក្នុងប៉ុន្មានឆ្នាំថ្មីៗនេះ ទំនាក់ទំនងការទូតបក្ស ការទូតរដ្ឋ និងការទូតប្រជាជនសម្រេចបានសមិទ្ធិផលវិជ្ជមានជាច្រើន។ តួនាទីនៃការទូតសភា ជាពិសេសរដ្ឋសភានីតិកាលទី ១៥ បានបន្សល់ទុកនូវចំណាប់អារម្មណ៍ល្អ រួមចំណែកដល់ជោគជ័យជារួមនៃកិច្ចការបរទេសរបស់វៀតណាម។ លើសពីនេះ តួនាទីរបស់ក្រុមសមាជិកសភាមិត្តភាព រួមទាំងក្រុមសមាជិកសភាមិត្តភាពវៀតណាម-កូរ៉េខាងត្បូង ក៏ត្រូវបានបញ្ជាក់ផងដែរ ដែលធ្វើឲ្យលទ្ធផលនៃទំនាក់ទំនងការទូតសភាកាន់តែមានភាពរស់រវើក និងច្បាស់លាស់។

ទិដ្ឋភាពនៃជំនួប (រូប​ថត៖ vnanet.vn)

ប្រតិភូទាំង​ឡាយ​ថតរូបជុំគ្នា (រូប​ថត៖ vnanet.vn)

លោកស្រីអនុប្រធានរដ្ឋសភាសង្ឃឹមថា នាពេលខាងមុខ សមាជិកនៃក្រុមសមាជិកសភាមិត្តភាពវៀតណាម-កូរ៉េខាងត្បូងត្រូវបង្ហាញឱ្យឃើញកាន់តែច្បាស់អំពីតួនាទីរបស់ខ្លួន លើកកម្ពស់ការប្តេជ្ញាចិត្ត និងការទទួលខុសត្រូវ ការយកចិត្តទុកដាក់ លើកកម្ពស់ និងពង្រឹងទំនាក់ទំនងផ្លាស់ប្តូរក្នុងកិច្ចសហប្រតិបត្តិការរវាងមូលដ្ឋាននានាជាមួយកូរ៉េខាងត្បូងក្នុងវិស័យដែលទទួលខុសត្រូវ លើកកំពស់បញ្ញា បទពិសោធន៍  បន្តជាស្ពានតភ្ជាប់ទំនាក់ដើម្បីរួមចំណែកយ៉ាងសកម្មក្នុងការអភិវឌ្ឍថែមទៀតនៃទំនាក់ទំនងសហប្រតិបត្តិការរវាងរដ្ឋសភាវៀតណាម និងរដ្ឋសភាកូរ៉េខាងត្បូង និងការផ្លាស់ប្តូរប្រជាជននៃប្រទេសទាំងពីរ។

នារសៀលថ្ងៃដដែល លោកស្រី Nguyen Thi Thanh បានទទួលជួប លោក Choi Young Sam ឯកអគ្គរដ្ឋទូតកូរ៉េខាងត្បូងប្រចាំនៅវៀតណាម ។

បកប្រែដោយ Duy Hoan