លោក To Lam អគ្គលេខាបក្ស និងភរិយា រួមជាមួយនឹងគណៈប្រតិភូជាន់ខ្ពស់វៀតណាម កំពុងបំពេញទស្សនកិច្ចផ្លូវរដ្ឋនៅកូរ៉េខាងត្បូង។ ក្នុងឱកាសនេះ លោក Bui Thanh Son ឧបនាយករដ្ឋមន្ត្រី និងជារដ្ឋមន្ត្រីក្រសួងការបរទេស បានផ្តល់បទសម្ភាសន៍ដល់សារព័ត៌មានកូរ៉េខាងត្បូង។
លោក To Lam អគ្គលេខាបក្ស គឺជាភ្ញៀវថ្នាក់រដ្ឋដំបូងគេរបស់រដ្ឋបាលថ្មីកូរ៉េខាងត្បូង។ នេះក៏ជាដំណើរទស្សនកិច្ចលើកដំបូងទៅកាន់ប្រទេសកូរ៉េខាងត្បូងរបស់លោក To Lam អគ្គលេខាបក្ស ក្នុងតំណែងថ្មីរបស់លោកផងដែរ។ នេះបង្ហាញពីសារៈសំខាន់ និងអាទិភាពខ្ពស់របស់ថ្នាក់ដឹកនាំជាន់ខ្ពស់នៃប្រទេសទាំងពីរចំពោះភាពជាដៃគូយុទ្ធសាស្ត្រគ្រប់ជ្រុងជ្រោយវៀតណាម-កូរ៉េខាងត្បូង។
លោកឧបនាយករដ្ឋមន្ត្រីបានចាត់ទុកថា៖ ក្រោយរយៈពេលជាង៣០ឆ្នាំនៃការកសាង និងអភិវឌ្ឍន៍ ទំនាក់ទំនងវៀតណាម-កូរ៉េខាងត្បូងបានក្លាយជាគំរូ អភិវឌ្ឍន៍យ៉ាងទូលំទូលាយ និងសម្រេចបានលទ្ធផលគួរឲ្យលើកទឹកចិត្តជាច្រើនលើគ្រប់វិស័យ។
ដំណើរទស្សនកិច្ចរបស់លោកអគ្គលេខាបក្សគឺជាការបញ្ជាក់យ៉ាងមុតមាំអំពីការប្តេជ្ញាចិត្តរបស់វៀតណាមក្នុងការធ្វើឱ្យស៊ីជម្រៅនូវភាពជាដៃគូយុទ្ធសាស្ត្រលើគ្រប់ជ្រុងជ្រោយជាមួយកូរ៉េខាងត្បូង ដោយមានបំណងចង់ឱ្យមានការជឿទុកចិត្តខាងនយោបាយខ្ពស់ ការសម្របសម្រួលយុទ្ធសាស្ត្រកាន់តែជិតស្និទ្ធ កិច្ចសហប្រតិបត្តិការលើគ្រប់ជ្រុងជ្រោយ និងមិត្តភាពកាន់តែជិតស្និទ្ធរវាងប្រជាជននៃប្រទេសទាំងពីរ។
    |
 |
|
លោក To Lam អគ្គលេខាបក្ស និងភរិយា មកដល់ទីក្រុងសេអ៊ូល កូរ៉េខាងត្បូង។ រូបថត៖ Van Hieu |
នេះក៏ជាឱកាសដ៏សំខាន់សម្រាប់ថ្នាក់ដឹកនាំនៃប្រទេសទាំងពីរពិភាក្សាយ៉ាងទូលំទូលាយអំពីវិធានការសំខាន់ៗ កំណត់អាទិភាព និងបើកទិសដៅថ្មីនៃកិច្ចសហប្រតិបត្តិការ នាំទំនាក់ទំនងវៀតណាម - កូរ៉េខាងត្បូងខាងត្បូង រីកចម្រើនឥតឈប់ឈរ ក្នុងយុគសម័យ នៃការអភិវឌ្ឍថ្មី។
លោកឧបនាយករដ្ឋមន្ត្រីបានអះអាងថា តាមរយៈដំណើរទស្សនកិច្ចនេះ វៀតណាមបានត្រៀមខ្លួនជាស្រេចក្នុងកិច្ចសហប្រតិបត្តិការជាមួយរដ្ឋបាលថ្មីកូរ៉េខាងត្បូង ដើម្បីផ្តោតលើការអនុវត្តទិសដៅសហប្រតិបត្តិការមួយចំនួន។
វិស័យដែលកូរ៉េខាងត្បូងមានចំណុចខ្លាំង និងស័ក្តិសមសម្រាប់ទិសដៅអភិវឌ្ឍន៍ថ្មីរបស់វៀតណាម ដូចជា ហេដ្ឋារចនាសម្ព័ន្ធ អេឡិចត្រូនិក បច្ចេកវិទ្យាខ្ពស់ គ្រឿងអេឡិចត្រូនិក បញ្ញាសិប្បនិមិត្ត ថាមពលកកើតឡើងវិញ ទីក្រុងឆ្លាតវៃ បរិវេណឧស្សាហកម្មឯកទេសតាមខ្សែសង្វាក់តម្លៃ សក្តិសមជាសសរស្តម្ភសំខាន់នាំមុខគេនៃទំនាក់ទំនងទ្វេភាគី។
កូរ៉េខាងត្បូងមានសុភាសិតមួយថា "រួបរួមគ្នាយកឈ្នះទាំងអស់"។ លោកឧបនាយករដ្ឋមន្ត្រីជឿជាក់ថា ឈរលើមូលដ្ឋានដែលបានបង្កើតជោគជ័យរបស់ប្រទេសទាំងពីរ និងផលប្រយោជន៍យុទ្ធសាស្ត្រជាមូលដ្ឋានមានភាពស្រដៀងគ្នានោះ ទំនាក់ទំនងដៃគូយុទ្ធសាស្ត្រគ្រប់ជ្រុងជ្រោយវៀតណាម - កូរ៉េខាងត្បូងកំពុងនៅចំពោះមុខនឹងអនាគតដ៏ល្អប្រសើរ ភ្លឺស្វាង អភិវឌ្ឍកាន់តែខ្លាំងឡើង ប្រកបដោយប្រសិទ្ធភាព ចីរភាព និងយូរអង្វែង។
លោកឧបនាយករដ្ឋមន្ត្រីបានអះអាងថា វៀតណាមប្តេជ្ញារួមដំណើរជាមួយសហគ្រាសកូរ៉េខាងត្បូងក្នុងការអភិវឌ្ឍន៍ខ្សែសង្វាក់ផ្គត់ផ្គង់ចម្រុះ និងមានតម្លៃខ្ពស់ ទន្ទឹមនឹងនោះលើកទឹកចិត្តសហគ្រាសវៀតណាមចូលរួមយ៉ាងស៊ីជម្រៅ និងក្នុងផ្នែកខ្ពស់ក្នុងបណ្តាញផ្គត់ផ្គង់សកលរបស់សហគ្រាសកូរ៉េខាងត្បូង។
វៀតណាមបានត្រៀមខ្លួនជាស្រេចដើម្បីបង្កើតលក្ខខណ្ឌទាំងអស់សម្រាប់វិនិយោគិនបរទេសរួមទាំងកូរ៉េខាងត្បូងខាងត្បូងដើម្បីបន្តវិនិយោគប្រកបដោយស្ថិរភាព និងរយៈពេលវែង ក៏ដូចជាស្វែងរកឱកាសវិនិយោគថ្មី។
វៀតណាមបានអនុវត្តជាបន្តបន្ទាប់នូវគោលនយោបាយនិងវិធានការសំខាន់ៗជាលក្ខណៈបដិវត្តន៍លើការបង្រួមក្បាលម៉ាស៊ីនដឹកនាំ ផ្តោតលើការផ្តល់អាទិភាពដល់ការអភិវឌ្ឍន៍វិទ្យាសាស្ត្រ និងបច្ចេកវិទ្យា នវានុវត្តន៍ និងការផ្លាស់ប្តូរឌីជីថលជាតិ។ បង្កើនសមាហរណកម្មអន្តរជាតិយ៉ាងស៊ីជម្រៅ និងទូលំទូលាយ កំណែទម្រង់ប្រព័ន្ធរដ្ឋបាល និងប្រព័ន្ធច្បាប់ ផ្តល់អាទិភាពដល់ការអភិវឌ្ឍសេដ្ឋកិច្ចឯកជន។
អាស្រ័យហេតុនេះ បង្កើតកន្លែងអភិវឌ្ឍន៍ថ្មីសម្រាប់ប្រទេស ខណៈបើកឱកាសដែលមិនធ្លាប់មានពីមុនមក និងលក្ខខណ្ឌអំណោយផលសម្រាប់អ្នកវិនិយោគបរទេស រួមទាំងវិនិយោគិនកូរ៉េខាងត្បូងខាងត្បូងផងដែរ។
|
|
 |
|
លោក Bui Thanh Son ឧបនាយករដ្ឋមន្ត្រី និងជារដ្ឋមន្ត្រីក្រសួងការបរទេស |
លោកឧបនាយករដ្ឋមន្ត្រីបានចែករំលែកថា “វៀតណាម និងកូរ៉េខាងត្បូងនឹងបន្តជាដៃគូអភិវឌ្ឍន៍របស់គ្នាទៅវិញទៅមក ជំរុញថែមទៀតនូវសមិទ្ធិផលនៃសសរស្តម្ភកិច្ចសហប្រតិបត្តិការវិនិយោគ រួមចំណែកយ៉ាងសកម្មក្នុងការស្តារ និងអភិវឌ្ឍន៍ប្រកបដោយចីរភាពនៃតំបន់ និងពិភពលោក”។
វៀតណាមនិងកូរ៉េខាងត្បូងខាងត្បូងមានភាពស្រដៀងគ្នាជាច្រើនក្នុងវប្បធម៌ ប្រវត្តិសាស្ត្រ តម្លៃសង្គម ប្រណៃណីស្មោះត្រង់ ស្មារតីនិងឆន្ទៈក្រោកឡើង។
ដោយមានប្រជាជនវៀតណាមជាង ៣៥០០០០ នាក់រស់នៅ កូរ៉េខាងត្បូង និងប្រជាជនកូរ៉េខាងត្បូងជាង ២៥០០០០ នាក់រស់នៅវៀតណាម រួមទាំងគ្រួសារពហុវប្បធម៌វៀតណាម-កូរ៉េខាងត្បូងប្រហែល ១០០០០០ គ្រួសារ ប្រជាជាតិទាំងពីរមានទំនាក់ទំនងជិតស្និទ្ធ បង្កើតលក្ខខណ្ឌអំណោយផលសម្រាប់កិច្ចសហប្រតិបត្តិការផ្លាស់ប្តូរប្រជាជន និងវប្បធម៌ដើម្បីអភិវឌ្ឍយ៉ាងទូលំទូលាយ។
លោកឧបនាយករដ្ឋមន្ត្រីបានអះអាងថា កិច្ចសហប្រតិបត្តិការផ្នែកវប្បធម៌ និងអប់រំរវាងប្រទេសទាំងពីរមិនដែលមានភាពរស់រវើកដូចពេលបច្ចុប្បន្ននោះទេ ដោយបានដើរតួជាស្អិតជាប់ក្នុងការតភ្ជាប់ និងធ្វើឱ្យទំនាក់ទំនងនៃប្រទេសទាំងពីរកាន់តែស៊ីជម្រៅ។
ការជួបប្រាស្រ័យរវាងប្រជាជន និងប្រជាជន និងកិច្ចសហប្រតិបត្តិការវប្បធម៌រវាងប្រទេសទាំងពីរត្រូវដាក់ក្នុងចក្ខុវិស័យរយៈពេលវែង ដោយមានទស្សនៈរួមថា វិស័យនេះគឺជាមូលដ្ឋានគ្រឹះខាងស្មារតីរបស់សង្គម និងជាកម្លាំងចលករដ៏សំខាន់សម្រាប់ការអភិវឌ្ឍ និងសមាហរណកម្មអន្តរជាតិនៃប្រទេសទាំងពីរ រួមចំណែកពង្រឹងមូលដ្ឋានគ្រឹះ និងការឯកភាពសង្គមផ្តល់អំណោយផលសម្រាប់ការអភិវឌ្ឍទំនាក់ទំនងវៀតណាម-កូរ៉េខាងត្បូង។
បើតាមលោកឧបនាយករដ្ឋមន្ត្រី ត្រូវបន្តធ្វើឱ្យប្រសើរឡើងនូវយន្តការ និងកិច្ចព្រមព្រៀងសហប្រតិបត្តិការលើវិស័យវប្បធម៌ អប់រំ និងភាសាដែលមានចក្ខុវិស័យវែងឆ្ងាយ ស្រាវជ្រាវបង្កើតយន្តការសហប្រតិបត្តិការវប្បធម៌ អភិរក្សបេតិកភណ្ឌវប្បធម៌ រៀបចំការផ្លាស់ប្តូរសិល្បៈ និងបណ្តុះបណ្តាលធនធានមនុស្សវប្បធម៌ប្រកបដោយគុណភាពខ្ពស់។
គ្រឹះស្ថានវប្បធម៌នៃប្រទេសទាំងពីរគួរតែបង្កើនការផ្លាស់ប្តូរស៊ីជម្រៅ។ វៀតណាមនឹងបង្កើតមជ្ឈមណ្ឌលវប្បធម៌វៀតណាមនៅកូរ៉េខាងត្បូង។ វៀតណាមលើកទឹកចិត្តកូរ៉េខាងត្បូងចែករំលែកបទពិសោធន៍ និងអនុវត្តគំរូច្នៃប្រឌិតដោយផ្អែកលើបច្ចេកវិទ្យាថ្មី គាំទ្រមូលដ្ឋាននានារបស់វៀតណាមក្នុងការរៀបចំផែនការ និងជំរុញការអភិវឌ្ឍន៍ទេសចរណ៍ ...
ប្រទេសទាំងពីរត្រូវបន្តជួយឧបត្ថម្ភប្រជាជនដែលកំពុងរស់នៅ និងធ្វើការនៅក្នុងប្រទេសនីមួយៗ ហើយយកចិត្តទុកដាក់បន្ថែមទៀតចំពោះជំនាន់ដែលកើតក្នុងគ្រួសារវៀតណាម-កូរ៉េខាងត្បូង។
បកប្រែដោយ Duy Hoan