ជប៉ុនត្រៀមខ្លួនជាស្រេចដើម្បីរួមដំណើរជាមួយវៀតណាមក្នុងការអភិវឌ្ឍ

ដោយអបអរសាទរចំពោះលោកស្រី Obuchi Yuko ដែលត្រូវបានបោះឆ្នោតជ្រើសតាំងជាប្រធានសម្ព័ន្ធសមាជិកសភាមិត្តភាពជប៉ុន-វៀតណាម លោក Le Minh Hung បានសង្កត់ធ្ងន់ថា ភាគីទាំងពីរនឹងបន្តសហការយ៉ាងស៊ីជម្រៅ ដើម្បីជំរុញកិច្ចសហប្រតិបត្តិការយ៉ាងជិតស្និទ្ធ និងមានប្រសិទ្ធភាពរវាងក្រុមសមាជិកសភាមិត្តភាពនៃប្រទេសទាំងពីរនិយាយដោយឡែក និងទំនាក់ទំនងភាពជាដៃគូយុទ្ធសាស្ត្រគ្រប់ជ្រុងជ្រោយរវាងវៀតណាម និងជប៉ុននិយាយរួម។

លោក Le Minh Hung និងលោកស្រី Obuchi Yuko (រូបថត៖ daibieunhandan.vn)

ទាក់ទិននឹងសកម្មភាពរបស់ក្រុមសមាជិកសភាមិត្តភាព លោក Le Minh Hung បានអះអាងថា ក្រុមនឹងបន្តជំរុញការអនុវត្តសកម្មភាពជាក់ស្តែង ដើម្បីរួមចំណែកលើកកម្ពស់ការយល់ដឹង ពង្រឹងទំនុកចិត្តផ្នែកនយោបាយ និងជម្រុញឲ្យស៊ីជម្រៅនូវទំនាក់ទំនងភាពជាដៃគូយុទ្ធសាស្ត្រគ្រប់វិស័យរវាងវៀតណាម និងជប៉ុន។ ដោយវាយតំលៃខ្ពស់ចំពោះគោលនយោបាយ និងគោលការណ៍ថ្មីរបស់វៀតណាម លោកស្រី Obuchi Yuko សង្ឃឹមថា ភាគីទាំងពីរនឹងបន្តរៀបចំការផ្លាស់ប្តូរគណៈប្រតិភូនៅគ្រប់លំដាប់់ថ្នាក់ និងបង្កើនជំនួបប្រាស្រ័យរវាងប្រជាជននិងប្រជាជន ដោយផ្តោតលើវិស័យដូចជា ការធ្វើបរិវត្តកម្មឌីជីថល និងការធ្វើបរិវត្តកម្មបៃតង... លោកស្រីក៏បានអះអាងដែរថា ជប៉ុនតែងតែគាំទ្រ និងត្រៀមខ្លួនជាស្រេចដើម្បីរួមដំណើរជាមួយវៀតណាមក្នុងការអភិវឌ្ឍ៕

បកប្រែដោយ Thuy Anh