លោកប្រធានរដ្ឋវៀតណាមអញ្ជើញចូលគាល់ព្រះករុណាព្រះបាទសម្តេចព្រះបរមនាថនរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា

បន្ទាប់ពីពិធីទទួលបដិសណ្ឋារកិច្ចជាផ្លូវការ លោកប្រធានរដ្ឋវៀតណាមបានអញ្ជើញចូលគាល់ព្រះករុណាព្រះបាទសម្តេចព្រះបរមនាថនរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា។ នៅទីនេះ ភាគីទាំងពីរបានវាយតម្លៃខ្ពស់ចំពោះកិច្ចសហប្រតិបត្តិការដ៏ជិតស្និទ្ធ ការជួយឧបត្ថម្ភគ្នាទៅវិញទៅមកដោយទាន់ពេលវេលារវាងប្រទេសទាំងពីរ ក្នុងការបង្ការទប់ស្កាត់ជម្ងឺកូវីដ-១៩ ដែលជាការបង្ហាញយ៉ាងរស់រវើកនូវប្រពៃណី ជួយឧបត្ថម្ភគ្នាទៅវិញទៅមកក្នុងគ្រាលំបាករវាងប្រជាជាតិទាំងពីរ។

លោកប្រធានរដ្ឋវៀតណាម Nguyen Xuan Phuc អញ្ជើញចូលគាល់ព្រះករុណាព្រះបាទសម្តេចព្រះបរមនាថនរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា (រូបថត៖ vnanet.vn)

ភាគីទាំងពីរបានបញ្ជាក់ថា នឹងបន្តផ្ដល់អាទិភាពខ្ពស់បំផុត ហើយធ្វើអស់ពីកម្លាំងកាយចិត្តដើម្បីពូនជ្រុំទំនាក់ទំនងវៀតណាម-កម្ពុជា កម្ពុជា-វៀតណាមឲ្យកាន់តែប្រកបដោយផ្លែផ្កា ព្រមទាំងឯកភាពថា នឹងសហការគ្នារៀបចំបានយ៉ាងល្អបណ្ដាសកម្មភាពក្នុងឆ្នាំ២០២២ ដើម្បីអបអរសាទរឆ្នាំមិត្តភាពវៀតណាម-កម្ពុជា កម្ពុជា-វៀតណាម និងការរំលឹកខួបអនុស្សាវរីយ៍លើកទី ៥៥ ទិវាបង្កើតទំនាក់ទំនងការទូតរវាងប្រទេសទាំងពីរ (២៤ មិថុនា ១៩៦៧ - ២៤ មិថុនា ២០២២) ផងដែរ៕

តាម vovworld.vn