គណៈកម្មាធិការដឹកនាំលេខ ៥១៥ ខេត្ត Dak Lak និងក្រុម K៥១ បំពេញទស្សនកិច្ចការងារនៅកម្ពុជា

បន្ទាប់ពីមកដល់ខេត្តមណ្ឌលគីរី គណៈកម្មាធិការដឹកនាំលេខ ៥១៥ ខេត្ត Dak Lak បានដឹកនាំការរៀបចំទីតាំងឈរជើង  និងកន្លែងស្នាក់នៅសម្រាប់ក្រុម K៥១ ដើម្បីអនុវត្តការរុករក និងជីកគាស់អដ្ឋិធាតុយុទ្ធជនបានឆាប់។  ព្រមទាំងលើកទឹកចិត្ដកម្មាភិបាលនិងយុទ្ធជន លើកកម្ពស់ស្មារតី  ជំនះការលំបាក បំពេញល្អនូវភារកិច្ច។

គណៈកម្មាធិការដឹកនាំលេខ ៥១៥ ខេត្ត Dak Lak ធ្វើការជាមួយតំបន់ប្រតិបត្ដិការសឹករងមណ្ឌលគីរី

គណៈកម្មាធិការដឹកនាំលេខ ៥១៥ ខេត្ត Dak Lak ប្រគល់អំណោយដល់តំបន់ប្រតិបត្ដិការសឹករងមណ្ឌលគីរី

ក្រុម K៥១ បានបង្ហាញពីការប្ដេជ្ញាចិត្ដក្នុងការអនុវត្តការងាររុករក ជីកគាស់ និងធ្វើមាតុភូមិនិវត្ដន៍អដ្ឋិធាតុយុទ្ធជនពលីនៅកម្ពុជា។ រក្សាសាមគ្គីភាព និងមិត្តភាពជាមួយអាជ្ញាធរ កងកម្លាំងប្រដាប់អាវុធនិងប្រជាជនខេត្តមណ្ឌលគីរី ព្រមទាំងគោរពច្បាប់របស់ប្រទេសសាមី និងកិច្ចការបរទេស។

ក្នុងកិច្ចពិភាក្សាជាមួយតំបន់ប្រតិបត្ដិការសឹករងមណ្ឌលគីរី គណៈកម្មាធិការដឹកនាំលេខ ៥១៥ ខេត្ត Dak Lak បានផ្លាស់ប្តូរនិងចែករំលែកនូវខ្លឹមសារទាក់ទងនឹងការងាររុករក និងជីកគាស់និងធ្វើមាតុភូមិនិវត្ដន៍អដ្ឋិធាតុយុទ្ធជនពលីនៅមូលដ្ឋាន  ក៏ដូចជាព័ត៌មានអំពីស្ថានភាពកងកម្លាំងប្រដាប់អាវុធខេត្ត Dak Lak បន្ទាប់ពីអនុវត្តគំរូអាជ្ញាធរមូលដ្ឋានពីរកម្រិត។

គណៈកម្មាធិការដឹកនាំលេខ ៥១៥ ខេត្ត Dak Lak អុជធូបនៅទីបញ្ចុះសពយុទ្ធជនពលីនៅច្រកទ្វារព្រំដែន Bu Prang  ខេត្ត Lam Dong

ភាគីទាំងពីរបានវាយតម្លៃខ្ពស់ចំពោះការសម្របសម្រួល ការជួយគាំទ្រទៅវិញទៅមកក្នុងការរុករក ជីកគាស់និងធ្វើមាតុភូមិនិវត្ដន៍អដ្ឋិធាតុយុទ្ធជនពលី ក៏ដូចជាភារកិច្ចយោធានិងការពារជាតិដែលសម្រេចបានលទ្ធផលយ៉ាងល្អ។ គណៈកម្មាធិការដឹកនាំលេខ ៥១៥ ខេត្ត  Dak Lak  បានវាយតម្លៃខ្ពស់ចំពោះស្មារតី តួនាទីនិងការទទួលខុសត្រូវរបស់កងកម្លាំងប្រដាប់អាវុធនៃតំបន់ប្រតិបត្ដិការសឹករងមណ្ឌលគីរីដែលបានជួយក្រុម K៥១ ក្នុងការរៀបចំ​កងកម្លាំងចូលរួម ធានាសុវត្ថិភាព និងដឹកនាំទាន់ពេលវេលាក្នុងអំឡុងពេលអនុវត្តការងារនៅមូលដ្ឋាន។

ក្នុងឱកាសនេះ គណៈកម្មាធិការដឹកនាំលេខ ៥១៥ បានរៀបចំពិធីអុជធូបគោរពវិញ្ញាណក្ខន្ធលោកប្រធានហូជីមិញ និងយុទ្ធជនពលីនៅទីសក្ការៈបូជារបស់ក្រុម K៥១ និងអុជធូបនៅទីបញ្ចុះសពយុទ្ធជនពលីច្រកទ្វារព្រំដែន Bu Prang ខេត្ត Lam Dong និងស្ដូបមិត្តភាពវៀតណាម-កម្ពុជា៕

បកប្រែដោយ Pham Diep