យោធភូមិភាគទី ៧ ចេញដំណើរទៅរុករក និងជីកគាស់អដ្ឋិធាតុយុទ្ធជនពលីនៅកម្ពុជា

លោកឧត្តមសេនីយ៍ត្រី  Tran Chi Tam អនុប្រធាននយោបាយ ប្រធានគណៈកម្មាធិការដឹកនាំលេខ ៥១៥ យោធភូមិភាគទី ៧  អញ្ជើញជាអធិបតីក្នុងពិធី។

លោកឧត្តមសេនីយ៍ត្រី  Tran Chi Tam អនុប្រធាននយោបាយនៃយោធភូមិភាគទី ៧ ថ្លែងនៅក្នុងពិធី

នៅរដូវប្រាំងឆ្នាំ ២០២៥-២០២៦ បណ្ដាក្រុម K នៃយោធភូមិភាគទី ៧ គ្រោងនឹងរុករកអដ្ឋិធាតុយុទ្ធជនពលីប្រហែល ៨២៥ អដ្ឋិធាតុនៅកម្ពុជា។ បណ្ដាក្រុម K នៃយោធភូមិភាគទី ៧ ចូលរួមបេសកកម្មលើកនេះរួមមាន៖ ក្រុម K70 ក្រុម K71 ក្រុម K72 និងក្រុម K73។

ថ្លែងសុន្ទរកថាក្នុងពិធី លោកឧត្តមសេនីយ៍ត្រី Tran Chi Tam បានសង្កត់ធ្ងន់ថា ការងាររុករក និងជីកគាសនិងធ្វើមាតុភូមិនិវត្ដន៍អដ្ឋិធាតុយុទ្ធជនពលី គឺជាភារកិច្ចនយោបាយដ៏ពិសិដ្ឋ ដែលបង្ហាញពីសីលធម៌នៃ "ផឹកទឹកឲ្យនឹងប្រភព" និងការដឹងគុណយ៉ាងជ្រាលជ្រៅរបស់បក្ស រដ្ឋ និងកងទ័ពចំពោះយុទ្ធជនពលីដ៏អង់អាចក្លាហាន។

ប្រគល់អំណោយដល់បណ្ដាអង្គភាពមុនពេលចេញដំណើរទៅរុករក និងជីកគាស់អដ្ឋិធាតុយុទ្ធជនពលីនៅកម្ពុជា

លោកឧត្តមសេនីយ៍ត្រី  Tran Chi Tam បានស្នើឱ្យបណ្ដាអង្គភាពសហការយ៉ាងជិតស្និទ្ធជាមួយអាជ្ញាធរមូលដ្ឋាន និងកងកម្លាំងកម្ពុជា ធានាសុវត្ថិភាពដាច់ខាតសម្រាប់អាយុជីវិត និងមធ្យោបាយ។ អនុវត្តប្រកបដោយប្រសិទ្ធភាពនូវបាវចនា "ជម្នះការលំបាក  ខិតខំដល់ឆ្នាំ ២០៣០ នឹងបញ្ចប់ការុករកនៅតំបន់មានអដ្ឋិធាតុយុទ្ធជនពលី"។

ប្រគល់អំណោយដល់កងកម្លាំងកម្ពុជាដែលចូលរួមសម្របសម្រួលក្នុងការរុករកអដ្ឋិធាតុយុទ្ធជនពលី

នាយទាហាននៃបណ្ដាអង្គភាពកម្ពុជាទទួលស្វាគមន៍បណ្ដាក្រុម K នៃយោធភូមិភាគទី ៧ នៅតំបន់ព្រំដែន

ក្នុងឱកាសនេះ បញ្ជាការដ្ឋានយោធភូមិភាគទី ៧ បានប្រគល់ប័ណ្ណសរសើរដល់អង្គភាពនានាដែលមានស្នាដៃក្នុងការរុករកអដ្ឋិធាតុ ដំណាក់កាល XXIV (រដូវប្រាំង ២០២៤-២០២៥)។ គណៈកម្មាធិការដឹកនាំលេខ ៥១៥ នៃយោធភូមិភាគទី ៧ និងគណៈកម្មាធិការដឹកនាំខេត្ដ Tay Ninh និង Dong  Nai ប្រគល់អំណោយលើកទឹកចិត្តកម្មាភិបាល និងយុទ្ធជណនៃបណ្ដាក្រុម K មុនពេលចេញដំណើរទៅបំពេញបេសកកម្ម និងអង្គភាពនានារបស់កម្ពុជា៕

បកប្រែដោយ Pham Diep