leftcenterrightdel
ទិដ្ឋភាពនៃពិធីចុះហត្ថលេខា (រូបថត៖ vnanet.vn)

មានប្រសាសន៍ក្នុងពិធីចុះហត្ថលេខា លោក Le Trung Ho អនុប្រធានគណៈកម្មាធិការប្រជាជនខេត្ត ប្រធានគណៈកម្មការជំនាញខេត្ត An Giang បានឲ្យដឹងថា អនុវត្តកិច្ចព្រមព្រៀងរវាងរដ្ឋាភិបាលវៀតណាម និងរាជរដ្ឋាភិបាលកម្ពុជា ដែលចុះហត្ថលេខាកាលពីថ្ងៃទី ២៨ ខែសីហា ឆ្នាំ ២០០០ នៅរាជធានីភ្នំពេញ រហូតមកដល់ពេលនេះ ក្រុមរុករកទាំងពីររបស់ខេត្ត An Giang បានរុករកអដ្ឋិធាតុចំនួន ៤២៨៦ អដ្ឋិធាតុនៅលើខេត្ដចំនួន ៦ របស់កម្ពុជា។ ដោយឡែនៅខេត្តកោះកុង  ក្រុម K92 បានរុករកអដ្ឋិធាតុចំនួន ១៦០ អដ្ឋិធាតុ។

លោក Le Trung Ho បញ្ជាក់ថា លទ្ធផលនេះសម្រេចបានដោយសារការសហការយ៉ាងជិតស្និទ្ធ និងការជួយគាំទ្រអស់ពីចិត្តរបស់ថ្នាក់ដឹកនាំ អាជ្ញាធរ កងកម្លាំងប្រដាប់អាវុធ និងប្រជាជនខេត្តកោះកុង ក្នុងការប្រមូល ផ្តល់ព័ត៌មាន ណែនាំផ្លូវ។ ពិធីចុះហត្ថលេខានេះ បន្តបញ្ជាក់ពីចំណងសាមគ្គីភាព និងមិត្តភាពជាប្រពៃណីរវាងវៀតណាម និងកម្ពុជា ហើយទន្ទឹមនឹងនោះក៏បង្ហាញពីការដឹងគុណយ៉ាងជ្រាលជ្រៅចំពោះវីរជនពលីដែលបានពលីកម្មដើម្បីសន្តិភាព ឯករាជ្យភាព និងមិត្តភាពរវាងប្រជាជាតិទាំងពីរ។

leftcenterrightdel
លោក Le Trung Ho អនុប្រធានគណៈកម្មាធិការប្រជាជនខេត្ត និងលោក ហាក់ ឡេង អភិបាលរងខេត្តកោះកុង​​ ចុះហត្ថលេខាលើកិច្ចសហប្រតិបត្ដិការ (រូបថត៖ vnanet.vn)

ចំណែក លោក ហាក់ ឡេង អភិបាលរងខេត្តកោះកុង បានវាយតម្លៃខ្ពស់ចំពោះលទ្ធផលនៃកិច្ចសហប្រតិបត្តិការជាវិជ្ជមានរវាងគណៈកម្មការជំនាញនៃខេត្តទាំងពីរនាពេលកន្លងមក ព្រមទាំងបញ្ជាក់ថា ខេត្តកោះកុង នឹងបន្តគាំទ្រ និងសហការយ៉ាងជិតស្និទ្ធក្នុងការរុករក និងផ្តល់ព័ត៌មាន ដើម្បីបំពេញការងារប្រកបដោយជោគជ័យក្នុងរដូវប្រាំង ឆ្នាំ២០២៥-២០២៦ និងដំណាក់កាលបន្តបន្ទាប់ទៀត។

ក្នុងឱកាសនេះ គណៈកម្មការជំនាញខេត្ដ An Giang បានប្រគល់​ថវិកាឧបត្ថម្ភរបស់រដ្ឋាភិបាលវៀតណាមជូនគណៈកម្មការជំនាញខេត្តកោះកុង ដើម្បីបំរើការរុករក និងធ្វើមាតុភូមិនិវត្ដន៍នូវអដ្ឋិធាតុយុទ្ធជនពលី ព្រមទាំងប្រគល់អំណោយដល់អាជ្ញាធរ  កងកម្លាំងប្រដាប់អាវុធ និងប្រជាជនខេត្តកោះកុង ដែលបានជួយឧបត្ថម្ភ និងបង្កលក្ខខណ្ឌអំណោយផលដល់គណៈកម្មការជំនាញ  និងក្រុម  K92 នៃបញ្ជាការដ្ឋានយោធាខេត្ត An Giang ក្នុង​ការបំពេញភារកិច្ច នាពេលកន្លងមក៕

បកប្រែដោយ Pham Diep