លោកឧត្តមសេនីយ៍ឯក Nguyen Van Gau ប្រគល់អំណោយ និងលើកទឹកចិត្តដល់ក្រុមប្រមូលអដ្ឋិធាតុយុទ្ធជនពលីលេខ៥៨៤ នៃបញ្ជាការដ្ឋានយោធាខេត្ត Quang Tri

បន្ទាប់មក លោកឧត្តមសេនីយ៍ឯក Nguyen Van Gau និងក្រុមបេសកកម្មបានអុជធូបរំលឹកវិញ្ញាណក្ខន្ធវីរជនពលីនៅទីសក្ការៈបូជាយុទ្ធជនពលីនៃក្រុមប្រមូលផ្ដុំអដ្ឋិធាតុយុទ្ធជនពលីលេខ ៥៨៤ នៃបញ្ជាការដ្ឋានយោធាខេត្ត Quang Tri ក្នុងស្រុក Thaphalanxay ខេត្ត Savannakhet និងទៅត្រួតពិនិត្យលទ្ធផលនៃការអនុវត្តភារកិច្ច ផ្តល់អំណោយ និងលើកទឹកចិត្តដល់កម្មាភិបាល និងយុទ្ធជននៃក្រុមលេខ៥៨៤។

លោកឧត្តមសេនីយ៍ឯក Nguyen Van Gau ប្រគល់អំណោយដល់ក្រុមលេខ ៥៨៤

បន្ទាប់ពីស្តាប់របាយការណ៍របស់មេបញ្ជាការក្រុមលេខ ៥៨៤ ស្តីពីលទ្ធផលនៃការស្វែងរក និងប្រមូលផ្ដុំអដ្ឋិធាតុកងទ័ពស្ម័គ្រចិត្ត និងអ្នកជំនាញវៀតណាមដែលពលីជីវិតនៅខេត្ត Savannakhet លោកឧត្តមសេនីយ៍ឯក Nguyen Van Gau បានលើកសរសើរស្មារតីសាមគ្គីភាព ការខិតខំប្រឹងប្រែងដើម្បីជំនះការលំបាក និងការបំពេញល្អភារកិច្ចរបស់កម្មាភិបាល និងយុទ្ធជននៃក្រុមលេខ ៥៨៤។ លោកឧត្តមសេនីយ៍ឯក Nguyen Van Gau បានសង្កត់ធ្ងន់ថា ការប្រមូលផ្ដុំអដ្ឋិធាតុយុទ្ធជនពលី គឺជាភារកិច្ចពិសេសមួយ ដែលបង្ហាញពីសីលធម៌ “ផឹកទឹកនឹកដល់ប្រភពដើម” “តបស្នងសងគុណ” របស់ប្រជាជាតិវៀតណាម។ នេះមិនត្រឹមតែជាការទទួលខុសត្រូវនយោបាយដ៏ពិសិដ្ឋប៉ុណ្ណោះទេ ប៉ុន្តែជាការសម្ដែងនូវការដឹងគុណ និងការតបស្នងសងគុណចំពោះយុទ្ធជនពលីដែលបានប្រយុទ្ធ និងលះបង់យ៉ាងក្លាហានដើម្បីឯករាជ្យជាតិ និងកាតព្វកិច្ចអន្តរជាតិដ៏ថ្លៃថ្នូ។ លោកឧត្តមសេនីយ៍ឯក Nguyen Van Gau បានស្នើឲ្យក្រុមលេខ ៥៨៤ បន្តលើកកម្ពស់ស្មារតីទទួលខុសត្រូវ សហការយ៉ាងជិតស្និទ្ធជាមួយថ្នាក់ដឹកនាំមូលដ្ឋាន ប្រជាជន និងកងកម្លាំងប្រដាប់អាវុធនៃខេត្ត Savannakhet ដើម្បីប្តេជ្ញាចិត្តបំពេញភារកិច្ចឲ្យបានល្អនៅក្នុងរដូវប្រាំងឆ្នាំ ២០២៥-២០២៦៕

បកប្រែដោយ Thuy Anh