យោធភូមិភាគទី ៤ ធានាគ្រប់ទិដ្ឋភាពនៃការងាររុករក និងជីកគាស់អដ្ឋិធាតុយុទ្ធជនពលី

លោកឧត្តមសេនីយ៍ឯក Vo Minh Luong អនុរដ្ឋមន្ត្រីក្រសួងការពារប្រទេស និងជាអនុប្រធានគណៈកម្មាធិការដឹកនាំលេខ ៥១៥ បានអញ្ជើញចូលរួមពិធីចេញដំណើរ។

លោកឧត្តមសេនីយ៍ឯក Vo Minh Luong ថ្លែងក្នុងពិធីចេញដំណើរ

ឆ្នាំ២០២៥-២០២៦ គណៈកម្មាធិការដឹកនាំលេខ ៥១៥ គ្រប់លំដាប់ថ្នាក់ អង្គភាពនិងមូលដ្ឋានស្ថិតនៅតំបន់យោធភូមិភាគទី ៤ បានអនុវត្តយ៉ាងសកម្មនូវការត្រៀមរៀបចំកងកម្លាំង មធ្យោបាយ សម្ភារៈ បរិក្ខារចាំបាច់ រៀបចំវគ្គបណ្តុះបណ្តាល បំប៉នជំនាញ ចាប់យកនិងអង្កេតព័ត៌មានអដ្ឋិធាតុយុទ្ធជនពលី។ 

ក្រុមរុករក និងជីកគាស់អដ្ឋិធាតុនៃយោធភូមិភាគទី ៤ បានចាប់យក និងទទួលបានព័ត៌មានអំពីអដ្ឋិធាតុយុទ្ធជនពលីចំនួន  ១៩៧ អដិ្ឋធាតុ នៅក្នុងប្រទេសឡាវ។ អង្គភាពនិងមូលដ្ឋានបានអនុវត្ដយ៉ាងល្អក្នុងការផ្សព្វផ្សាយ និងជួយគាំទ្រក្រុមរុករក និងជីកគាស់អំពីសម្លៀកបំពាក់  សៀវភៅកត់ត្រា  ភួយ   ថ្នាំពេទ្យ សម្ភារៈប្រើប្រាស់ និងរបស់របរប្រើប្រាស់មួយចំនួនទៀតដើម្បីបម្រើដល់ក្រុមរុករក និងជីកគាស់ក្នុងការបំពេញភារកិច្ចនៅប្រទេស​ឡាវ។

លោកឧត្តមសេនីយ៍ឯក Vo Minh Luong ប្រគល់អំណោយជូនក្រុមរុករក និងជីកគាស់អដ្ឋិធាតុយុទ្ធជនពលី

លោកឧត្តមសេនីយ៍ឯក Vo Minh Luong និងប្រតិភូនៅពិធីចេញដំណើរ

ថ្លែងក្នុងពិធី លោកឧត្តមសេនីយ៍ឯក Vo Minh Luong បានស្នើឱ្យគណៈកម្មាធិការដឹកនាំលេខ ៥១៥ នៃយោធភូមិភាគទី៤ និងខេត្តនានាដែលមានក្រុមរុករកនិងជីកគាស់បន្តយកចិត្តទុកដាក់លើការដឹកនាំ ធានាគ្រប់ទិដ្ឋភាពនៃធនធានមនុស្ស  សម្ភារៈ ភស្តុភារនិងបច្ចេកទេសសម្រាប់ដំណើរការអនុវត្តភារកិច្ច។ ក្រុមរុករកនិងជីកគាស់អដ្ឋិធាតុយុទ្ធជនពលីត្រូវតែលើកកំពស់ស្មារតីនៃការទទួលខុសត្រូវ សាមគ្គីភាព និងគោរពវិន័យ អនុវត្តយ៉ាងម៉ឺងម៉ាត់នូវបទបញ្ញត្តិនៃប្រទេសមិត្ដឡាវ បំពេញការងារផងនិងកិច្ចការបរទេសនិងកិច្ចការបរទេសការពារជាតិផង។ អង្គភាពនានាត្រូវសហការយ៉ាងជិតស្និទ្ធជាមួយស្ថាប័ន អាជ្ញាធរមូលដ្ឋាន និងប្រជាជនឡាវក្នុងការប្រមូល និងផ្ទៀងផ្ទាត់ព័ត៌មាន ពិនិត្យតំបន់ ធានានូវវឌ្ឍនភាពនិងគុណភាពនៃការងារ ហើយទន្ទឹមនឹងនោះ អនុវត្តឱ្យបានល្អ និងទាន់ពេលវេលានូវរបប និងគោលនយោបាយសម្រាប់កម្មាភិបាលនិងយុទ្ធជន និងកងកម្លាំងសម្របសម្រួលចូលរួមរុករក និងជីកគាស់។

ក្នុងឱកាសនេះ គណៈកម្មាធិការដឹកនាំលេខ ៥១៥ និងយោធភូមិភាគទី ៤ ក៏បានជូនអំណោយលើកទឹកចិត្តដល់ក្រុមរុករក និងជីកគាស់អដ្ឋិធាតុយុទ្ធជនពលីចេញដំណើរទៅបំពេញបេសកកម្មផងដែរ។ 

មុនពេលចេញដំណើរ លោកឧត្តមសេនីយ៍ឯក Vo Minh Luong និងប្រតិភូបានដាក់កម្រងផ្កាគោរពវិញ្ញាណក្ខន្ធវីរជនពលីនៅទីបញ្ចុះសព យុទ្ធជនពលីនៅសង្កាត់ Thanh Vinh ខេត្ត Nghe An។

បកប្រែដោយ Pham Diep