ក្រុម K93 បញ្ចប់បេសកកម្មស្វែងរក និងប្រមូលអដ្ឋិធាតុយុទ្ធជនពលីនៅកម្ពុជាក្នុងដំណាក់កាលរដូវប្រាំង ២០២៤-២០២៥

ចាប់ពីឆ្នាំ ២០០១ ដល់បច្ចុប្បន្ននេះ ក្រុម K93 បានស្វែងរក និងប្រមូលអដ្ឋិធាតុយុទ្ធជនពលីចំនួន ២,១៤១ អដ្ឋិធាតុ ដែលក្នុងនោះ ២៥១ អដ្ឋិធាតុបានកំណត់អត្តសញ្ញាណ។

ខេត្ត An Giang ទទួលស្វាគមន៍ក្រុម K93 ដែលបានបញ្ចប់បេសកកម្មស្វែងរក ប្រមូល និងធ្វើមាតុភូមិនិវត្តន៍អដ្ឋិធាតុកងទ័ពស្ម័គ្រចិត្ត និងអ្នកជំនាញវៀតណាមដែលពលីជីវិតនៅកម្ពុជាដំណាក់កាលទី២៤ (រដូវប្រាំងឆ្នាំ ២០២៤-២០២៥) នៅច្រកទ្វារព្រំដែនអន្តរជាតិ Tinh Bien

ក្នុងរដូវប្រាំង ២០២៤-២០២៥ ក្រុម K93 បានស្វែងរក​​ និងប្រមូលអដ្ឋិធាតុចំនួន ៥៦ អដ្ឋិធាតុ (ក្នុងនោះ អដ្ឋិធាតុចំនួន ៥១ បានរកឃើញនៅកម្ពុជា និងក្នុងស្រុកចំនួន ៥ អដ្ឋិធាតុ)  និងបានកំណត់អត្តសញ្ញាណអដ្ឋិធាតុចំនួន ២ អដ្ឋិធាតុ។ 

ទិដ្ឋភាពនៃពិធី

កម្មាភិបាលនិងយុទ្ធជននាំអដ្ឋិធាតុយុទ្ធជនពលីទៅកន្លែងរក្សាអដ្ឋិធាតុ

ថ្លែងក្នុងពិធីនេះ លោកវរសេនីយ៍ឯក Huynh Van Khoi ប្រធាននយោបាយនៃបញ្ជាការដ្ឋានយោធាខេត្ត និងជាអនុប្រធានគណៈកម្មាធិការដឹកនាំលេខ ៥១៥ ខេត្ត An Giang បានស្នើឱ្យបណ្ដាកងកម្លាំងសម្របសម្រួលយ៉ាងជិតស្និទ្ធក្នុងការប្រមូលព័ត៌មាន និងរៀបចំឲ្យបានល្អនូវពិធីបញ្ចុះអដ្ឋិធាតុយុទ្ធជនពលី។ ទន្ទឹមនឹងនោះ ពង្រឹងកិច្ចសហប្រតិបត្តិការអន្តរជាតិ ជាពិសេសជាមួយខេត្តនានានៃព្រះរាជាណាចក្រកម្ពុជា និងជំរុញការផ្សព្វផ្សាយនិងចលនាប្រជាពលរដ្ឋផ្តល់ព័ត៌មានអំពីអដ្ឋិធាតុយុទ្ធជនពលី។

ក្នុងឱកាសនេះផងដែរ គណៈកម្មាធិការដឹកនាំលេខ ៥១៥ ខេត្ត An Giang បានផ្ដល់រង្វាន់ជូនអង្គភាព និងបុគ្គលជាច្រើនដែលមានស្នាដៃល្អក្នុងការស្វែងរក និងប្រមូលអដ្ឋិធាតុយុទ្ធជនពលីក្នុងដំណាក់កាលទី ២៤៕

បកប្រែដោយ Pham Diep