ដំណើរទស្សនកិច្ចជាផ្លូវការនៅវៀតណាមរបស់លោក Kover Laszlo ប្រធានរដ្ឋសភាហុងគ្រី ប្រព្រឹត្តទៅក្នុងបរិបទឆ្នាំ ២០២៥ ដែលប្រទេសទាំងពីរប្រារព្ធខួបលើកទី ៧៥ នៃការបង្កើតទំនាក់ទំនងការទូត (ថ្ងៃទី ៣ ខែកុម្ភៈ ឆ្នាំ ១៩៥០ / ថ្ងៃទី ៣ ខែកុម្ភៈ ឆ្នាំ ២០២៥) បន្ទាប់ពីដំណើរទស្សនកិច្ចជាផ្លូវការនៅវៀតណាមរបស់លោក Sulyok Tamas ប្រធានាធិបតីហុងគ្រី និងលោកជំទាវនៅចុងខែឧសភា ឆ្នាំ២០២៥ កន្លងមក។ ដូច្នេះ ដំណើរទស្សនកិច្ចនេះមិនត្រឹមតែបង្ហាញពីការគោរពគ្នាទៅវិញទៅមកប៉ុណ្ណោះទេ ថែមទាំងបញ្ជាក់ពីការប្តេជ្ញាចិត្តរបស់ថ្នាក់ដឹកនាំជាន់ខ្ពស់នៃប្រទេសទាំងពីរក្នុងការបន្តធ្វើឱ្យស៊ីជម្រៅថែមទៀតនូវទំនាក់ទំនងភាពជាដៃគូគ្រប់ជ្រុងជ្រោយវៀតណាម-ហុងគ្រី នាំទំនាក់ទំនងទ្វេភាគីឱ្យកាន់តែស៊ីជម្រៅ និងមានប្រសិទ្ធភាពថែមទៀត។

leftcenterrightdel
លោក Vo Van Minh អនុលេខាគណៈកម្មាធិការបក្សទីក្រុង ប្រធានក្រុមប្រឹក្សាប្រជាជនទីក្រុងហូជីមិញ ទទួលជួបលោក Kover Laszlo ប្រធានរដ្ឋសភាហុងគ្រី (រូបថត៖ vnanet.vn)

* នាល្ងាចថ្ងៃទី១៨ ខែតុលា លោក Vo Van Minh អនុលេខាគណៈកម្មាធិការបក្សទីក្រុង ប្រធានក្រុមប្រឹក្សាប្រជាជនទីក្រុងហូជីមិញ បានទទួលជួបលោក Kover Laszlo ប្រធានរដ្ឋសភាហុងគ្រី។ លោក Kover Laszlo ប្រធានរដ្ឋសភាហុងគ្រីបានឲ្យដឹងថា ហុងគ្រីតែងតែលើកទឹកចិត្តអង្គភាពអាជីវកម្មស្វែងរកឱកាសវិនិយោគនៅវៀតណាមនិយាយរួម និងទីក្រុងហូជីមិញនិយាយដោយឡែក។ អាស្រ័យហេតុនេះ លោកសង្ឃឹមថា ទីក្រុងហូជីមិញនឹងបន្តយកចិត្តទុកដាក់ និងបង្កើតលក្ខខណ្ឌអំណោយផលសម្រាប់អង្គភាពអាជីវកម្មហុងគ្រី សហប្រតិបត្តិការ ធ្វើអាជីវកម្ម និងពង្រឹងកិច្ចសហប្រតិបត្តិការមិត្តភាពជាមួយមូលដ្ឋាននៃប្រទេសហុងគ្រី៕

បកប្រែដោយ Huyen Trang