យោងតាមគណៈកម្មការដឹកនាំលេខ ៥១៥ ខេត្ត Binh Phuoc បានឲ្យដឹងថា ចាប់ពីឆ្នាំ ២០២១ មកទល់បច្ចុប្បន្ននេះ ក្នុងស្មារតីទទួលខុសត្រូវខ្ពស់ ការខិតខំប្រឹងប្រែងជំនះការលំបាករបស់ក្រុម K72 ការគាំទ្រ និងការបង្កើតលក្ខខណ្ឌអំណោយផលពីកម្ពុជា និងប្រជាជន ខេត្ត Binh Phuoc បានស្វែងរក និងប្រមូលអដ្ឋិធាតុរបស់យុទ្ធជនពលីចំនួន ៦៨៤ នាក់ ដែលក្នុងនោះ អដ្ឋិធាតុចំនួន ៤១២ ត្រូវបានប្រមូលផ្តុំនៅកម្ពុជា។

leftcenterrightdel
លោកវរសេនីយ៍ឯក Nguyen Thanh Ruan អនុប្រធាននយោបាយនៃបញ្ជាការដ្ឋានយោធាខេត្ត Binh Phuoc មានប្រសាសន៍នៅក្នុងកិច្ចប្រជុំ (រូបថត៖ vnanet.vn)

លោកវរសេនីយ៍ឯក Nguyen Thanh Ruan អនុប្រធាននយោបាយនៃបញ្ជាការដ្ឋានយោធាខេត្ត សមាជិកអចិន្ត្រៃយ៍នៃគណៈកម្មការដឹកនាំលេខ៥១៥ ខេត្ត Binh Phuoc បានមានប្រសាសន៍ថា៖ ក្នុងរយៈពេលប៉ុន្មានឆ្នាំកន្លងមក ការងារស្វែងរក និងប្រមូលអដ្ឋិធាតុរបស់យុទ្ធជនពលី កងទ័ពស្ម័គ្រចិត្ត និងអ្នកជំនាញវៀតណាមដែលបានពលីជីវិតក្នុងសម័យសង្គ្រាមនៅកម្ពុជា និងនៅខេត្ត Binh Phuoc តែងតែត្រូវបានគណៈកម្មាធិការបក្ស អាជ្ញាធរ និងប្រជាជនខេត្ត Binh Phuoc កំណត់ជាភារកិច្ចនយោបាយដ៏សំខាន់។ អដ្ឋិធាតុដែលត្រូវបានស្វែងរក ប្រមូល និងបញ្ចុះដោយក្រុម K72 ក្នុងរយៈពេលកន្លងមក បានបំពេញតាមការរំពឹងទុករបស់សាច់ញាតិរបស់យុទ្ធជនពលី ហើយទន្ទឹមនឹងនោះ ក៏សម្តែងនូវការដឹងគុណយ៉ាងជ្រាលជ្រៅចំពោះអ្នកដែលបានពលីជីវិតដើម្បីកាតព្វកិច្ចអន្តរជាតិដ៏ថ្លៃថ្នូ។

ក្នុងដំណាក់កាល ២០២៦-២០៣០ ក្រុម K72 នឹងបន្តបំពេញភារកិច្ចស្វែងរក និងប្រមូលអដ្ឋិធាតុរបស់យុទ្ធជនពលីនៅខេត្តចំនួនពីរ គឺខេត្តក្រចេះ និងខេត្តកំពង់ធំ នៃព្រះរាជាណាចក្រកម្ពុជា។

ក្នុងឱកាសនេះ គណៈកម្មាធិការប្រជាជនខេត្ត Binh Phuoc បានលើកសរសើរ និងផ្តល់រង្វាន់ដល់អង្គភាព និងបុគ្គលដែលមានស្នាដៃជាច្រើនក្នុងការស្វែងរក និងប្រមូលអដ្ឋិធាតុរបស់យុទ្ធជនពលី ដំណាក់កាល ២០២១-២០២៥ ដំណាក់កាលទី ២៤ (រដូវប្រាំង ២០២៤-២០២៥)៕

បកប្រែដោយ Huyen Trang