ជាង ៣០ លានដុល្លារអាមេរិកដើម្បីគាំទ្រប្រជាជនជម្នះផលវិបាកដោយសារព្យុះទីហ្វុង Bualoi

លោក Do Van Chien បានសង្ឃឹមថា នាពេលខាងមុខ នឹងបន្តទទួលបានការគាំទ្រពីស្ថាប័ន អង្គភាពអាជីវកម្ម អង្គការ អង្គភាពបុគ្គលនានាក្នុងប្រទេស និងអាណិកជនវៀតណានៅឯបរទេស ជនបរទេសដែលកំពុងធ្វើការ និងរស់នៅវៀតណាម ដើម្បីជួយប្រជាជននៅតាមបណ្តាខេត្ត រិលទៅរកជីវភាពរស់នៅធម្មតាឡើងវិញ នាពេលឆាប់ៗនេះ ។

លោក Do Van Chien ប្រធានគណៈកម្មាធិការមជ្ឈិមរណសិរ្សមាតុភូមិវៀតណាម ទទួលប្រាក់ចំនួន ១០ ពាន់លានដុងពីសាជីវកម្មឧស្សាហ៍កម្មធ្យូងថ្ម និងរ៉ែវៀតណាម ដើម្បីគាំទ្រប្រជាជនក្នុងតំបន់ ជំនះពុះពារផលវិបាកដោយសារព្យុះលេខ ១០ (រូបថត៖ baochinhphu.vn)

ក្នុងខែកញ្ញាកន្លងមក ព្យុះ Ragasa និង Bualoi បានបង្កផលវិបាកយ៉ាងធ្ងន់ធ្ងរដល់ប្រជាជនក្នុងតំបន់ជាច្រើន។ ជាពិសេស ព្យុះ Bualoi និងវិសម្ពាធរបស់វា បានបង្កការខូចខាតយ៉ាងធ្ងន់ធ្ងរដល់អាយុជីវិត និងទ្រព្យសម្បត្តិនៅក្នុងតំបន់ភាគខាងជើង និងភាគខាងជើងនៃភូមិភាគកណ្តាល។ យោងតាមស្ថិតិ ព្យុះ Bualoi និងទឹកជំនន់ ការបាក់ដី និងខ្យល់ព្យុះកំបុតត្បូងបានសម្លាប់មនុស្ស ៥៦ នាក់ បាត់ខ្លួន ១១ នាក់ និងរបួស ១៧២ នាក់; ផ្ទះជិត ២០០,០០០ ខ្នងបានដួលរលំ និងរងការខូចខាត ហើយសត្វពាហនៈ និងបសុបក្សីរាប់រយរាប់ពាន់ក្បាលត្រូវងាប់ ឬត្រូវទឹកអូសយកទៅ៕

បកប្រែដោយ Huyen Trang