លោក Jean-Michel Jarre អ្នកនិពន្ធជនជាតិបារាំងអាយុ ៧៦ ឆ្នាំបានបើកកម្មវិធីសិល្បៈជាមួយនឹងការសម្តែងដ៏គួរឱ្យចាប់អារម្មណ៍របស់ DJ ចំនួន ២៣ នាក់ផ្សេងទៀតដែលបានបង្កើតពិធីជប់លៀងតន្ត្រី ជាមួយនឹងការរួមបញ្ចូលគ្នានៃតន្ត្រីនិងពន្លឺធ្វើឱ្យអ្នកទស្សនាចាប់អារម្មណ៍ខ្លាំង។ នៅក្នុងសុន្ទរកថាបិទ ប្រធានគណៈកម្មាធិការប៉ារ៉ាឡាំពិកអន្តរជាតិ លោក Andrew Parsons បានសង្កត់ធ្ងន់ថា អូឡាំពិកគឺជា "ស្តង់ដារថ្មី" ទាក់ទងនឹងការរៀបចំ និងបទពិសោធន៍របស់អត្តពលិក។ ប្រធានគណៈកម្មាធិការរៀបចំអូឡាំពិកទីក្រុងប៉ារីសឆ្នាំ ២០២៤ លោក Tony Estanguet បានឲ្យដឹងថា កីឡាប៉ារ៉ាឡាំពិកគឺជាព្រឹត្តិការណ៍មួយដែលមានតម្លៃមនុស្សធម៌ ដែលបង្ហាញតាមរយៈការប្រកួតកីឡាដ៏ទាក់ទាញរបស់អត្តពលិកដែលមានពិការភាព។
ទាក់ទិននឹងសមិទ្ធិផលនៃការប្រកួត នៅចុងបញ្ចប់ប៉ារ៉ាឡាំពិកទីក្រុង ប៉ារីស ឆ្នាំ២០២៤ ក្រុមកីឡាជនពិការចិនបានចំណាត់ថ្នាក់លេខ១ ដោយទទួលបានមេដាយមាស ៩៤ គ្រឿង មេដាយប្រាក់៧៦ គ្រឿង និងមេដាយសំរឹទ្ធ ៥០ គ្រឿង។ ចំណាត់ថ្នាក់លេខ២ គឺចក្រភពអង់គ្លេសដែលមានមេដាយមាស ៤៩ គ្រឿង មេដាយប្រាក់ ៤៤ គ្រឿង និងមេដាយសំរឹទ្ធ ៣១ គ្រឿង។ សហរដ្ឋអាមេរិកទទួលបានចំណាត់ថ្នាក់លេខ៣លើតារាងរួមដោយមេដាយមាស ៣៦ គ្រឿង មេដាយប្រាក់ ៤២ គ្រឿង និងមេដាយសំរឹទ្ធ ២៧ គ្រឿង ក្រុមកីឡាជនពិការវៀតណាមឈរនៅលេខរៀងទី៧៩ ដោយមេដាយសំរឹទ្ធ ១ គ្រឿង របស់កីឡាករ Le Van Cong ក្នុងប្រភេទទម្ងន់ ៤៩ គីឡូក្រាម៕
តាម vovworld.vn
Type the code from the image