ក្រុមហ៊ុន Google ត្រៀមខ្លួនជាស្រេចជួយឧបត្ថម្ភវៀតណាមក្នុងការអនុវត្ត AI ក្នុងវិស័យអប់រំ និងបណ្តុះបណ្តាល

លោកអនុរដ្ឋមន្ត្រី Hoang Minh Son ក៏សង្ឃឹមផងដែរថា នៅលើវេទិកាទាំងនេះ អាចបង្កើតសហគមន៍នានា ដើម្បីឱ្យគ្រូបង្រៀន និងសិស្សានុសិស្សអាចទាក់ទងជាមួយគ្នា ផ្លាស់ប្តូរបទពិសោធន៍ និងរៀនសូត្រពីគ្នាទៅវិញទៅមក។ តាមរយៈនោះប្រព័ន្ធនឹងកត់ត្រាមតិដើម្បីកែលម្អ និងពង្រឹងកម្មវិធីវេទិកា។

រូបភាពនៃជំនួបធ្វើការតាមប្រព័ន្ធវីដេអូ (រូបថត៖ ក្រសួងអប់រំ និងបណ្តុះបណ្តាល)

លោក Marc Woo អគ្គនាយកក្រុមហ៊ុន Google វៀតណាម បានឲ្យដឹងថា Google ត្រៀមខ្លួនជាស្រេចផ្តល់ឱ្យសិស្សានុសិស្ស និងគ្រូបង្រៀនទាំងអស់នៅក្នុងប្រទេសវៀតណាមនូវការចូលប្រើប្រាស់ដោយឥតគិតថ្លៃនូវកញ្ចប់ដំណោះស្រាយ Google Works, Google Space និង Google Classroom។ Google សង្ឃឹមថាក្រសួងអប់រំ និងបណ្ដុះបណ្ដាលវៀតណាមនឹងគាំទ្របន្ទាប់ពីការសាកល្បងទម្រង់ និងដំណោះស្រាយមួយចំនួន ដោយបង្កើតវាទៅជាវេទិកា និងប្រព័ន្ធនៅទូទាំងប្រទេស។

នៅក្នុងជំនួបធ្វើការ តំណាងភាគីទាំងពីរបានពិភាក្សាអំពីខ្លឹមសារនៃការកសាងវេទិកា ការដាក់ពង្រាយប្រព័ន្ធ ទំនួលខុសត្រូវរបស់ភាគីដែលចូលរួម និងបទពិសោធន៍អនុវត្តនៅក្នុងប្រទេសនានានៅលើពិភពលោក៕

បកប្រែដោយ Huyen Trang