ពិធីប្រគល់កិត្តនាមគ្រូបង្រៀនប្រជាជន គ្រូបង្រៀនឆ្នើម

ព្រឹត្តិការណ៍នេះត្រូវបានរៀបចំឡើងដោយក្រសួងអប់រំ និងបណ្តុះបណ្តាល និងសហជីពអប់រំវៀតណាម ក្នុងបំណងទទួលស្គាល់ការខិតខំប្រឹងប្រែង ការវិភាគទាន និងលើកតម្កើងគ្រូបង្រៀនឆ្នើមដែលតំណាងឲ្យក្រុមគ្រូបង្រៀន។ ការប្រគល់កិត្តនាមនេះ បានលើកទឹកចិត្តគ្រូបង្រៀនឆ្នើមក្នុងការបណ្តុះបណ្ដាលមនុស្ស និងបង្កើតធនធានមនុស្សប្រកបដោយគុណភាព ដើម្បីបម្រើដល់ការអភិវឌ្ឍន៍ប្រទេស។

ដោយទទួលការផ្ទេរសិទ្ធិពីប្រធានរដ្ឋ លោក  Nguyen Kim Son ប្រគល់កិត្តនាមគ្រូបង្រៀនប្រជាជន

ក្រសួងអប់រំ និងបណ្តុះបណ្តាល ដែលគឺជាស្ថាប័នអចិន្ត្រៃយ៍នៃក្រុមប្រឹក្សាពិចារណា និងប្រគល់កិត្តនាមដល់គ្រូបង្រៀនប្រជាជន និងគ្រូបង្រៀនឆ្នើម ទទួលបានឯកសារសម្រាប់កិត្តនាមគ្រូបង្រៀនប្រជាជនចំនួន ២៤ និងឯកសារសម្រាប់កិត្តនាមគ្រូបង្រៀនឆ្នើមចំនួន ១,២០១ ក្នុងនោះ គ្រូបង្រៀនជនជាតិភាគតិចចំនួន ៣៣ នាក់។ ឈរលើមូលដ្ឋាននេះ លោកប្រធានរដ្ឋបានប្រគល់កិត្តនាមគ្រូបង្រៀនប្រជាជន ២១ នាក់ និងគ្រូបង្រៀនឆ្នើមចំនួន ១.១៦៧ នាក់។

នៅក្នុងពិធីនេះ លោក Nguyen Kim Son រដ្ឋមន្ត្រីក្រសួងអប់រំ និងបណ្តុះបណ្តាល បានថ្លែងថា នេះគឺជាការទទួលស្គាល់មិនត្រឹមតែពីផ្នែកអប់រំប៉ុណ្ណោះទេ ថែមទាំងពីបក្ស និងរដ្ឋទៀតផង។ គ្រូបង្រៀនទាំងនេះបានរួមចំណែកជាច្រើន និងបង្ហាញពីឧត្តមភាពនៅក្នុងផ្នែកអប់រំ។ ការទទួលស្គាល់ការរួមចំណែករបស់គ្រូបង្រៀនម្នាក់ៗគឺចាំបាច់។ មនុស្សឆ្នើមត្រូវការការទទួលស្គាល់ លើកសរសើរ និងការដឹងគុណពិសេស ដោយសារការរួមចំណែកពិសេសរបស់ពួកគេចំពោះផ្នែកអប់រំ និងចំពោះសង្គម៕

បកប្រែដោយ Thuy Anh