សន្និសីទ ACT+1 លើកទី៣៨៖ ការលើកកម្ពស់សុភមង្គលនៅតាមសាលា និងនិរន្តរភាពក្នុងការអប់រំ

នៅក្នុងសន្និសីទ គណៈប្រតិភូបានធ្វើបទបង្ហាញជាច្រើនអំពីប្រធានបទ "ការលើកកម្ពស់សុភមង្គលនៅតាមសាលារៀន និងនិរន្តរភាពក្នុងការអប់រំ"។ នៅក្នុងនោះ គណៈប្រតិភូវៀតណាមបានធ្វើបទបង្ហាញអំពីការ “លើកកំពស់ជំនាញវិជ្ជាជីវៈរបស់គ្រូបង្រៀន ឆ្ពោះទៅរកសាលាសុភមង្គល និងនិរន្តរភាពក្នុងការអប់រំ”។ នៅខាងក្រៅសន្និសីទនេះ កិច្ចប្រជុំជាច្រើនក៏បានធ្វើឡើងក្រោមប្រធានបទនានាដែលទាក់ទងនឹងការបង្រៀន ការសិក្សា ការដឹកនាំ និងការគ្រប់គ្រងរបស់សាលា គោលនយោបាយដែលប៉ះពាល់ដល់ការសិក្សារបស់សិស្ស និងទម្រង់នៃការអប់រំថ្មី…។

ប្រធាននៃបណ្ដាគណៈប្រតិភូថតរូបអនុស្សាវរីយ៍ក្នុងសន្និសីទ (រូបថត៖ vnanet.vn)

អង្គសន្និសីទបានចេញសេចក្តីសម្រេចចិត្តមួយដោយសង្កត់ធ្ងន់លើការប្តេជ្ញាចិត្តក្នុងការអភិវឌ្ឍវិស័យអប់រំប្រកបដោយនិរន្តរភាព សមភាព និងការយល់ដឹងអំពីបរិស្ថាន ហើយលើកកម្ពស់សិទ្ធិ និងតួនាទីរបស់គ្រូបង្រៀនតាមរយៈការអភិវឌ្ឍ និងបណ្តុះបណ្តាលវិជ្ជាជីវៈជាបន្តបន្ទាប់ និងកសាងគំរូអប់រំប្រកបដោយសមធម៌ និងនិរន្តរភាព ធានាឲ្យសិស្សទាំងអស់កាន់តែមានសុភមង្គលបន្ថែមទៀត។ សន្និសីទក៏បានយល់ព្រមប្រគល់ទង់ជូនដល់ប្រទេសហ្វីលីពីន សម្រាប់ធ្វើជាម្ចាស់ផ្ទះ ACT+1 លើកទី៣៩ នាពេលខាងមុខ៕

បកប្រែដោយ Thuy Anh