ដោយមានប្រធានបទ “ភាពស្អិតរមួតជាសាកល” ការប្រកួតនេះត្រូវបានរៀបចំឡើងដោយស្ថានទូតដាណឺម៉ាកសហការជាមួយក្រុមហ៊ុនភាគហ៊ុន Viet Tinh Anh-LEGO Education។ WRO-World Robot Olympiad គឺជាការប្រកួតសម្រាប់អ្នកមានអាយុពី ៦ ទៅ ១៩ ឆ្នាំ នៅទូទាំងពិភពលោក។ សិស្សមកពីបណ្ដាប្រទេសមានឱកាសបង្ហាញសមត្ថភាព ដោះស្រាយបញ្ហាតាមរយៈការប្រកួត និងបញ្ហាប្រឈមអំពី Robot ក៏ដូចជាការច្នៃប្រឌិតនៅគម្រោង។
ការប្រកួតនេះមានវគ្គជម្រុះចំនួនពីរ៖ នៅទីក្រុងហូជីមិញ (តំបន់ភាគខាងត្បូង) មានក្រុមប្រហែល ៣០០ ចូលរួមការប្រកួត និងនៅទីក្រុង Hai Phong (តំបន់ភាគខាងជើង) គ្រោងនឹងមានក្រុមចំនួន ២០០ ចូលរួមការប្រកួត។ ការប្រកួតដែលមានប្រធានបទដូចជា៖ ការអភិរក្សសត្វសមុទ្រ ហេដ្ឋារចនាសម្ព័ន្ធក្រោមទឹក ស្វ័យប្រវត្តិកម្មកំពង់ផែ..។ វគ្គផ្ដាច់ព្រ័ត្រនឹងប្រព្រឹត្តទៅនៅទីក្រុងហាណូយក្នុងខែសីហា ឆ្នាំ២០២៣។ គណៈកម្មការរៀបចំនឹងជ្រើសរើសក្រុម និងបេក្ខជនល្អបំផុតដើម្បីតំណាងឱ្យវៀត ណាមទៅចូលរួមប្រកួតវគ្គផ្តាច់ព្រ័ត្រពិភពលោកនៅប្រទេសប៉ាណាម៉ា នាខែវិច្ឆិកា ឆ្នាំ ២០២៣ ខាងមុខនេះ៕
បកប្រែដោយ Pham Diep
Type the code from the image