ធានាគុណភាពនៃការអប់រំថ្នាក់ឧត្តមសិក្សា និងមហាវិទ្យាល័យគរុកោសល្យ
កប.អនឡាញ - លោកឧបនាយករដ្ឋមន្ត្រី Vu Duc Dam ទើបតែចុះហត្ថលេខាលើសេចក្តីសម្រេចចិត្តលេខ 78/QĐ-TTg ចុះថ្ងៃទី១៤ ខែមករា ឆ្នាំ២០២២ ស្ដីពីការផ្ដល់សច្ចាប័នលើកម្មវិធី “អភិវឌ្ឍប្រព័ន្ធធានា និងត្រួតពិនិត្យគុណភាពនៃការអប់រំថ្នាក់ឧត្តមសិក្សា និងមហាវិទ្យាល័យគរុកោសល្យ ដំណាក់កាល ២០២២-២០៣០”។
គោលដៅរួមរបស់កម្មវិធីនេះគឺអភិវឌ្ឍប្រព័ន្ធធានា និងត្រួតពិនិត្យគុណភាពនៃការអប់រំថ្នាក់ឧត្តមសិក្សា និងមហាវិទ្យាល័យគរុកោសល្យរបស់វៀតណាម ដើម្បីឆ្លើយតបនឹងតម្រូវការនៃការផ្លាស់ថ្មីជាមូលដ្ឋាន និងទូលំទូលាយក្នុងការអប់រំ និងបណ្តុះបណ្តាល ហើយបំពេញតាមក្របខណ្ឌធានាគុណភាពអាស៊ាន។
តាមគម្រោង ក្នុងដំណាក់កាល ២០២២-២០២៥ ប្រព័ន្ធធានាគុណភាពនៅតាមគ្រឹះស្ថានឧត្តមសិក្សា និងមហាវិទ្យាល័យគរុកោសល្យ ត្រូវបញ្ចប់ជាមូលដ្ឋាននូវការកសាង សមត្ថភាពនៃប្រព័ន្ធត្រួតពិនិត្យគុណភាពថ្នាក់ឧត្តមសិក្សា និងមហាវិទ្យាល័យគរុកោសល្យត្រូវបានលើកកម្ពស់។
ក្នុងដំណាក់កាល ២០២៦-២០៣០ កម្មវិធីនឹងផ្តោតលើការអភិវឌ្ឍប្រព័ន្ធធានាគុណភាពនៅតាមគ្រឹះស្ថានឧត្តមសិក្សា និងមហាវិទ្យាល័យគរុកោសល្យ ហើយអភិវឌ្ឍប្រកបដោយចីរភាពនូវប្រព័ន្ធត្រួតពិនិត្យគុណភាពថ្នាក់ឧត្តមសិក្សា និងមហាវិទ្យាល័យគរុកោសល្យ៕
បកប្រែដោយ Thuy Anh