ការអប់រំគឺជាអាទិភាពសំខាន់ក្នុងទំនាក់ទំនងវៀតណាម-អូស្ត្រាលី

នាពេលនេះ អតីតនិស្សិតវៀតណាមជាង ១៦ ម៉ឺននាក់ដែលធ្លាប់សិក្សានៅប្រទេសអូស្ត្រាលី កំពុងធ្វើការក្នុងវិស័យសាធារណៈ និងឯកជនពីថ្នាក់មជ្ឈិមដល់ថ្នាក់មូលដ្ឋាន រួមចំណែកដ៏សំខាន់ក្នុងការអភិវឌ្ឍរបស់វៀតណាម និងការជំរុញទំនាក់ទំនងទ្វេភាគី។ 

សហគមន៍អតីតនិស្សិតវៀតណាម ដែលធ្លាប់សិក្សានៅអូស្ត្រាលីជួបជុំគ្នា (រូបថត៖ phunuvietnam.vn)

លោកស្រី Gillian Bird ឯកអគ្គរដ្ឋទូតអូស្ត្រាលីប្រចាំវៀតណាមបានសង្កត់ធ្ងន់ថា អតីតនិស្សិតទាំងឡាយគឺជាស្ពានដ៏មានតម្លៃរវាងប្រទេសទាំងពីរ។ ទំនាក់ទំនងរវាងអូស្ត្រាលី និងវៀតណាមត្រូវបានបង្កើតដោយឈរលើមូលដ្ឋានគ្រឹះជាទំនាក់ទំនងរវាងប្រជាជននៃប្រទេសទាំងពីរ ការតភ្ជាប់សេដ្ឋកិច្ចយ៉ាងទូលំទូលាយ ស៊ីជម្រៅ និងចក្ខុវិស័យរួមស្ដីពីតំបន់ឥណ្ឌូប៉ាស៊ីហ្វិកប្រកបដោយសន្តិភាព ស្ថិរភាព និងវិបុលភាព។ ជាមួយនឹងបទពិសោធន៍និងចំណេះដឹងអំពីប្រទេសទាំងពីរ អតីតនិស្សិតដើរតួនាទីយ៉ាងសំខាន់ក្នុងការលើកកម្ពស់ការយល់ដឹងគ្នាទៅវិញទៅមក និងពង្រឹងកិច្ចសហប្រតិបត្តិការលើវិស័យសេដ្ឋកិច្ចរវាងអូស្ត្រាលី និងវៀតណាម៕

បកប្រែដោយ Thanh Cong