លោក To Lam អគ្គលេខាបក្សកុម្មុយនិស្តវៀតណាម ស្នើឲ្យផ្តោតលើការវិនិយោគបន្ថែមទៀតសម្រាប់វិស័យអប់រំ

នៅក្នុងឱកាសនេះ លោក To Lam អគ្គលេខាបក្ស  ក៏បានប្រគល់អាហារូបករណ៍ចំនួន ២០០  ជូនសិស្សឆ្នើម នៃសាលាទាំងពីរផងដែរ។

លោក To Lam អគ្គលេខាបក្ស ទស្សនាបន្ទប់អនុវត្តន៍ការអប់រំ STEM នៃអនុវិទ្យាល័យ Cau Giay ខ័ណ្ឌ Cau Giay ទីក្រុង​ហាណូយ (រូបថត៖ vnanet.vn)

លោកអគ្គលេខាបក្ស បានសង្កត់ធ្ងន់ថា៖ “គោលដៅរបស់បក្សគឺកសាងប្រព័ន្ធអប់រំថ្មីលើ​គ្រប់ជ្រុងជ្រោយ ស្មើរមុខ​ស្មើរមាត់​នឹង​ពិភពលោក រក្សានូវអត្តសញ្ញាណវប្បធម៌របស់វៀតណាម។ យើងត្រូវបណ្ដុះបណ្ដាលជំនាន់វ័យក្មេង ដែលមិនត្រឹមតែមានបញ្ញាឆ្លាតវៃប៉ុណ្ណោះទេ ថែមទាំងមានកាយសម្បទាមាំមួន សម្បូរទៅដោយអត្តសញ្ញាណវប្បធម៌ មានសមត្ថភាពគ្រប់គ្រាន់ដើម្បី​ប្រកួតប្រជែង​ និង​ស្មើមុខស្មើមាត់នឹងមហាអំណាច បញ្ជាក់ពីកិត្យានុភាពរបស់ប្រទេសជាតិលើឆាកអន្តរជាតិ។ ប្រព័ន្ធអប់រំត្រូវតែផ្លាស់ប្តូរថ្មីយ៉ាងទូលំទូលាយ ដោយផ្តោតលើការអភិវឌ្ឍជំនាញច្នៃប្រឌិត STEM ភាសាបរទេស ជំនាញឌីជីថល បច្ចេកវិទ្យាទំនើប។ សព្វថ្ងៃ ប្រទេសមានសន្តិភាព និងការបង្រួបបង្រួម ក្នុងបរិយាកាសនេះ ខ្ញុំសង្ឃឹមថា ក្មួយៗនឹងបន្តសិក្សា និងក្លាយជាយុវជនថ្មី យុវជននៃសម័យកាល ឈានទៅដល់ការអប់រំទំនើបរបស់ពិភពលោក”។

ក្នុងឱកាសនេះដែរ លោក To Lam អគ្គលេខាបក្ស ក៏បានស្នើឲ្យអាជ្ញាធរ និងស្ថាប័នអប់រំ បន្តធ្វើទំនើបកម្ម លើកកំពស់គុណភាពនៃការអប់រំ និងបណ្តុះបណ្តាល ព្រមទាំងអនុវត្តប្រកបដោយប្រសិទ្ធភាពនូវសេចក្តីសម្រេចចិត្តលេខ ៥៧ របស់ការិយាល័យនយោបាយ ស្តីពីរបកគំហើញក្នុងការអភិវឌ្ឍវិទ្យាសាស្ត្រ បច្ចេកវិទ្យា នវានុវត្តន៍ និងការធ្វើបរិវត្តកម្មឌីជីថលជាតិផងដែរ៕

បកប្រែដោយ Huyen Trang