ជម្រុញការអនុវត្តបញ្ញាសិប្បនិម្មិតក្នុងវិស័យហិរញ្ញវត្ថុ និងធនាគារ

សិក្ខាសាលានេះគឺជាសកម្មភាពសិក្សាដ៏មានសារប្រយោជន៍ ដោយផ្តោតលើអ្នកវិទ្យាសាស្ត្រ គ្រូបង្រៀន​ និស្សិត មកពីសាកលវិទ្យាល័យ វិទ្យាស្ថានស្រាវជ្រាវ និងសហគ្រាសហិរញ្ញវត្ថុ វិនិយោគ ក្នុងស្រុក និងអន្តរជាតិ ដែលមានប្រតិភូចូលរួមជិត ១០០ នាក់។ សិក្ខាសាលារួមមានសម័យពេញអង្គ និងសម័យប្រជុំ​ពិភាក្សា​លើ​ប្រធានបទ ដោយសង្កត់ធ្ងន់លើការតភ្ជាប់ ការធ្វើបច្ចុប្បន្នភាពនិន្នាការជឿនលឿន និងជម្រុញការផ្លាស់ប្តូរ​លើការសិក្សា និងការអនុវត្ត AI (បញ្ញាសិប្បនិម្មិត) ក្នុងវិស័យហិរញ្ញវត្ថុ និងធនាគារ។

អ្នកជំនាញថ្លែងក្នុងសិក្ខាសាលា

បទអន្តរគមន៍របស់អ្នកជំនាញ និងអ្នកវិទ្យាសាស្ត្រវ័យក្មេងនៅក្នុងសិក្ខាសាលានេះ សុទ្ធតែបានសង្កត់ធ្ងន់ថា បច្ចេកវិទ្យា AI បានក្លាយជាយុទ្ធសាស្ត្រស្នូលក្នុងការលើកកម្ពស់សមត្ថភាពប្រកួតប្រជែង។ នៅក្នុងវិស័យធនាគារ និងហិរញ្ញវត្ថុ ការអនុវត្តប្រកបដោយប្រសិទ្ធភាពនូវ AI ជួយបង្កើនប្រសិទ្ធភាពនូវចំណាយប្រតិបត្តិការ កែលម្អប្រសិទ្ធភាពប្រតិបត្តិការ បើកឱកាសសម្រាប់ការផ្លាស់ប្តូរថ្មី​នូវសេវាកម្ម និងបង្កើនបទពិសោធន៍របស់អតិថិជនយ៉ាងទូលំទូលាយ។ 

ទន្ទឹមនឹងចំណេះដឹងមានលក្ខណៈម៉ាក្រូ បទអន្តរគមន៍ជាច្រើនក៏បានវិភាគយ៉ាងស៊ីជម្រៅអំពីផលប៉ះពាល់របស់ AI លើទីផ្សារហិរញ្ញវត្ថុ និងធនាគារ ទាក់ទងនឹងទិន្នន័យហិរញ្ញវត្ថុ និងការកសាងប្រព័ន្ធព្យាករណ៍ដ៏ឆ្លាតវៃសម្រាប់វិស័យធនាគារ ការអនុវត្ត AI ដើម្បីបង្កើនអ្នកប្រើប្រាស់ កែលម្អប្រតិបត្តិការ និងផ្លាស់ប្តូរថ្មីផលិតផលហិរញ្ញវត្ថុ...

សិក្ខាសាលាគឺជាសកម្មភាពសិក្សាដ៏មានប្រយោជន៍មួយ ជំរុញការអភិវឌ្ឍចលនាច្នៃប្រឌិតក្នុងសហគមន៍

តាមរយៈសិក្ខាសាលា ភាគីទាំងឡាយសង្ឃឹមថានឹងជំរុញការអភិវឌ្ឍចលនាច្នៃប្រឌិតនៅក្នុងសហគមន៍ ជាពិសេសក្នុងចំណោមយុវជន ដែល​តម្រង់ទិសយុវជនក្នុងការអនុវត្តបច្ចេកវិទ្យាទំនើបដើម្បីដោះស្រាយបញ្ហាប្រឈមក្នុងវិស័យហិរញ្ញវត្ថុ និងធនាគារ៕

បកប្រែដោយ Duy Hoan