VNF ពង្រឹង និងពង្រីកវិសាលភាពនៃកិច្ចសហប្រតិបត្តិការជាមួយមូលដ្ឋាន និងសាលារៀននៅវៀតណាម
កប.អនឡាញ - នារសៀលថ្ងៃទី ១២ ខែឧសភា ក្នុងជំនួបជាមួយលោក Pham Duc Trung Kien នាយកប្រតិបត្តិ The Vietnam Foundation (VNF សហរដ្ឋអាមេរិក) លោក Le Thanh Long ឧបនាយករដ្ឋមន្ត្រីវៀតណាម បានស្វាគមន៍ចំពោះកម្មវិធីអប់រំឥតគិតថ្លៃ និងស្មារតីរីកសាយភាយការសិក្សាដោយខ្លួនឯងរបស់អង្គការ។
VNF គឺជាអង្គការអប់រំមិនរកប្រាក់ចំណេញរបស់សហរដ្ឋអាមេរិកដែលកំពុងប្រតិបត្តិការនៅក្នុងប្រទេសវៀតណាម។
    |
 |
|
លោក Le Thanh Long ឧបនាយករដ្ឋមន្ត្រី និងលោក Pham Duc Trung Kien នាយកប្រតិបត្តិ VNF (រូបថត៖ baochinhphu.vn) |
លោក Le Thanh Long ឧបនាយករដ្ឋមន្ត្រីបានស្វាគមន៍ VNF ដែលមានកម្មវិធីអប់រំឥតគិតថ្លៃជាច្រើន បង្កើតលក្ខខណ្ឌអំណោយផលសម្រាប់ប្រជាជនវៀតណាមទទួលបានប្រភពសិក្សាជាច្រើន។ លោក Le Thanh Long បានវាយតម្លៃខ្ពស់ចំពោះការយកចិត្តទុកដាក់របស់លោក Pham Duc Trung Kien ក្នុងការអភិវឌ្ឍវិស័យអប់រំនៅវៀតណាម។ លោកឧបនាយករដ្ឋមន្ត្រីបានឯកភាពជាមួយសំណើរបស់ VNF ដូចជាការពង្រឹង និងពង្រីកវិសាលភាពនៃកិច្ចសហប្រតិបត្តិការជាមួយមូលដ្ឋាន និងសាលារៀនក្នុងប្រទេសវៀតណាម ដើម្បីផ្តល់កម្មវិធីអប់រំ និងបណ្តុះបណ្តាលជាច្រើនបន្ថែមទៀត។
រីឯលោក Pham Duc Trung Kien បានឲ្យដឹងថា អង្គការបានអនុវត្តកម្មវិធីអប់រំឥតគិតថ្លៃជាច្រើននៅវៀតណាម។ តាមរយៈសកម្មភាពរបស់ខ្លួន VNF សង្ឃឹមថានឹងរីកសាយភាយស្មារតីនៃការសិក្សាដោយខ្លួនឯងដល់សិស្សានុសិស្សវៀតណាម។ អង្គការនេះមានបំណងចង់ផ្តល់យោបល់ក្នុងដំណើរការកសាងគោលនយោបាយអភិវឌ្ឍន៍វិស័យអប់រំនៅវៀតណាម៕
បកប្រែដោយ Huyen Trang