លើកតម្កើងគ្រូបង្រៀន និងកម្មាភិបាលគ្រប់គ្រងឆ្នើម ឆ្នាំ២០២១
កប.អនឡាញ - នាថ្ងៃទី ១៤ ខែវិច្ឆិកា ក្រសួងអប់រំ និងបណ្តុះបណ្តាលវៀតណាម និងសហជីពអប់រំវៀតណាមបានរៀបចំពិធីប្រគល់កិត្តនាមគ្រូបង្រៀនប្រជាជន គ្រូបង្រៀនឆ្នើម និងលើកតម្កើងគ្រូបង្រៀន និងកម្មាភិបាលគ្រប់គ្រងឆ្នើមប្រចាំឆ្នាំ ២០២១។
    |
 |
|
លោកគ្រូ អ្នកគ្រូ ត្រូវបានលើកតម្កើងក្នុងពិធី |
នេះគឺជាសកម្មភាពដ៏មានអត្ថន័យដើម្បីអបអរសាទរខួបលើកទី ៣៩ នៃទិវាគ្រូបង្រៀនវៀតណាម (ថ្ងៃទី ២០ ខែវិច្ឆិកា ឆ្នាំ ១៩៨២ / ថ្ងៃទី ២០ ខែវិច្ឆិកា ឆ្នាំ ២០២១)។ ពិធីនេះបានលើកតម្កើងដល់គ្រូបង្រៀនប្រជាជនចំនួន ៧ រូប គ្រូបង្រៀនឆ្នើមចំនួន ៧២ រូបនៃគ្រឹះស្ថានអប់រំក្រោមឱវាទក្រសួងអប់រំ និងបណ្តុះបណ្តាល និងគ្រូបង្រៀនឆ្នើមចំនួន ១៩១ រូបក្នុងឆ្នាំ ២០២១ ដែលបានជ្រើសរើសពី ៦៣ ទីក្រុង-ខេត្តទូទាំងប្រទេស។
នាយប់ថ្ងៃដដែល កម្មវិធីផ្សាយផ្ទាល់ទូរទស្សន៍ "ជំនួសឱ្យការដឹងគុណ" ឆ្នាំ២០២១ បានប្រព្រឹត្តទៅក្នុងឱកាសទិវាគ្រូបង្រៀនវៀតណាម៕
បកប្រែដោយ Duy Hoan