ការប្រឡងអូឡាំពិចគីមីវិទ្យាអន្តរជាតិឆ្នាំ ២០២០៖ វៀតណាមជាប់ចំណាត់ថ្នាក់លេខ ២ នៅលើពិភពលោក
កប.អនឡាញ -នៅព្រឹកថ្ងៃទី ៣១ ខែកក្កដា នាយកដ្ឋានគ្រប់គ្រងគុណភាពនៃក្រសួងអប់រំនិងបណ្តុះបណ្តាលវៀតណាម បានឲ្យដឹងថា បេក្ខជន ៤ នាក់ ដែលបានចូលរួមការប្រឡងអូឡាំពិកគីមីវិទ្យាអន្តរជាតិឆ្នាំ ២០២០ របស់ក្រុមជម្រើសជាតិវៀតណាមបានឈ្នះមេដាយមាស។
    |
 |
|
សិស្សវៀតណាមចូលរួមការប្រឡងអូឡាំពិចគីមីវិទ្យាអន្តរជាតិឆ្នាំ ២០២០ (រូបថត៖ ក្រសួងអប់រំនិងបណ្តុះបណ្តាលវៀតណាម) |
ក្រុមជម្រើសជាតិវៀតណាមជាប់លំដាប់លេខ ២ ក្រោយសហរដ្ឋអាមេរិក។ នេះជាលទ្ធផលខ្ពស់បំផុតរបស់ក្រុមជម្រើសជាតិវៀតណាមដែលចូលរួមការប្រឡងអូឡាំពិកគីមីវិទ្យាអន្តរជាតិពីមុនមក។
ការប្រឡងអូឡាំពិចគីមីវិទ្យាអន្តរជាតិឆ្នាំ ២០២០ លើកទី ៥២ ត្រូវបានធ្វើឡើងនៅប្រទេសទួរគី ក្នុងបរិបទដែលការរីករាលដាលនៃ COVID-១៩ មានការវិវត្ដន៍យ៉ាងស្មុគស្មាញ។ ប្រទេសនិងតំបន់ដែនដីចំនួន ៦០ ចូលរួមការប្រឡងនេះតាមរយៈប្រព័ន្ធវីដេអូ៕
បកប្រែដោយ Pham Diep