វៀតណាមជាប់ចំណាត់ថ្នាក់ក្នុងចំណោមប្រទេសទាំង ១០ ដែលគួរឱ្យរស់នៅបំផុតនៅលើពិភពលោកសម្រាប់អ្នកចូលនិវត្តន៍

ដើម្បីកំណត់ចំណាត់ថ្នាក់នេះ Retraite sans Frontières បានវិភាគលក្ខណៈវិនិច្ឆ័យចំនួន ១២ ដោយថ្លៃដើមនៃការរស់នៅមានចំនួនច្រើនបំផុត ស្មើនឹង ២០% នៃពិន្ទុសរុប។ លក្ខណៈវិនិច្ឆ័យសំខាន់ៗផ្សេងទៀតរួមមាន៖ អាកាសធាតុ គុណភាពនៃសេវាថែទាំសុខភាព កម្រិតសុវត្ថិភាព ភាពងាយស្រួលទទួលបានសេវាកម្ម និងលក្ខខណ្ឌធ្វើដំណើរ។

ភ្ញៀវទេសចរអន្តរជាតិទស្សនា Pu Luong (រូបថតឧទាហរណ៍៖ vnanet.vn)

នៅក្នុងបញ្ជីឆ្នាំនេះ ប្រទេសព័រទុយហ្គាល់នៅតែបន្តនាំមុខគេក្នុងចំណាត់ថ្នាក់ ខណៈដែលវៀតណាមជាប់ចំណាត់ថ្នាក់លេខ ៩ ដែលជាលើកដំបូងនៅក្នុងកំពូលទាំង ១០។ វៀតណាមទទួលបានពិន្ទុសម្រាប់ថ្លៃដើមនៃការរស់នៅទាប បរិយាកាសរស់នៅចម្រុះ និងការកែលម្អហេដ្ឋារចនាសម្ព័ន្ធថែទាំសុខភាព និងទីក្រុង។ ទោះបីជាថ្លៃដើមនៃការរស់នៅនៅតែខ្ពស់ជាងគោលដៅអាស៊ីមួយចំនួនទៀតក៏ដោយ ក៏ប្រទេសវៀតណាមត្រូវបានចាត់ទុកថាជាជម្រើសដែលមានតុល្យភាពរវាងថ្លៃដើម លក្ខខណ្ឌរស់នៅ និងសក្តានុពលអភិវឌ្ឍន៍រយៈពេលវែង៕

បកប្រែដោយ Huyen Trang