ប្រទេសវៀតណាមទទួលភ្ញៀវទេសចរអន្តរជាតិជិត ២.៥ លាននាក់នៅក្នុងខែមករា ឆ្នាំ២០២៦

ភ្ញៀវទេសចរអន្តរជាតិមកទស្សនាផ្លូវបុរាណនៅទីក្រុងហាណូយ (រូបថត៖ vnanet.vn)

ក្នុងចំណោមភ្ញៀវទេសចរអន្តរជាតិជិត ២.៥ លាននាក់ដែលមកដល់ប្រទេសវៀតណាម ការធ្វើដំណើរតាមផ្លូវអាកាសនៅតែដើរតួនាទីសំខាន់ ដោយមានភ្ញៀវទេសចរជាង ១.៩៥ លាននាក់។ ការធ្វើដំណើរតាមផ្លូវគោកក៏បានកត់ត្រាកំណើនគួរឲ្យកត់សម្គាល់ផងដែរ ដោយទទួលភ្ញៀវទេសចរជាង ៤៤០,៦០០ នាក់។ ការធ្វើដំណើរតាមផ្លូវសមុទ្រ ទោះបីជាមានចំនួនតិចជាងក៏ដោយ ក៏នៅតែសម្រេចបានការកើនឡើងប្រហែល ៣០%។ ចំនួនភ្ញៀវទេសចរអន្តរជាតិមកកាន់ប្រទេសវៀតណាម កាន់តែច្រើនឡើង គឺអាស្រ័យលើការអនុវត្តដោយព្រមៗគ្នានូវដំណោះស្រាយយុទ្ធសាស្ត្រជាច្រើន ទាក់ទងនឹងគោលនយោបាយទិដ្ឋាការអំណោយផល ហើយបរិយាកាសសង្គម-នយោបាយមានស្ថិរភាព គោលដៅទេសចរណ៍មានសុវត្ថិភាព និងរួសរាយរាក់ទាក់។ នាពេលកន្លងមកនេះ នាយកដ្ឋានទេសចរណ៍ជាតិវៀតណាមបាននិងកំពុងផ្លាស់ប្ដូរថ្មីប្រកបដោយវិជ្ជាជីវៈជាងមុននូវសកម្មភាពផ្សព្វផ្សាយទេសចរណ៍ជាតិ៕

បកប្រែដោយ Thuy Anh