វៀតណាមស្នើឱ្យអង្គការយូណេស្កូទទួលស្គាល់មណ្ឌលកេរ្តិ៍ដំណែលវិទ្យា​ Oc Eo - Ba The បេតិកភណ្ឌពិភពលោក

លោកឧបនាយករដ្ឋមន្ត្រីបានស្នើឱ្យរដ្ឋមន្ត្រីក្រសួងវប្បធម៌ កីឡា និងទេសចរណ៍ពិនិត្យឡើងវិញ បង្ហើយនិងចុះហត្ថលេខាលើឯកសារវិទ្យាសាស្ត្រដោយប្រុងប្រយ័ត្ន ដើម្បីផ្ញើទៅកាន់មជ្ឈមណ្ឌលបេតិកភណ្ឌពិភពលោកនៃអង្គការយូណេស្កូ ស្របតាមបទប្បញ្ញត្តិ ដោយធានាគុណភាពមុនថ្ងៃទី ៣១ ខែមករា។ ផ្តោតលើការលើកកម្ពស់តួនាទី និងឋានៈរបស់វៀតណាមនៅក្នុងយន្តការគ្រប់គ្រងរបស់អង្គការយូណេស្កូ...។

រណ្តៅជីកកកាយនៅ Oc Eo - Ba The ស្រុក Thoai Son ខេត្ត An Giang (រូបថត៖ VGP)

តំបន់បុរាណវិទ្យា Oc Eo - Ba The មានផ្ទៃដីអភិរក្សសរុបប្រមាណ ៤៣៣ ហិកតា។ តំបន់នេះ គឺជាស្នាកស្នាមបុរាណដ៏សំខាន់មួយនៃអរិយធម៌អូរកែវ ដែលរីកចម្រើននៅតំបន់ភាគខាងត្បូងនៃប្រទេសវៀតណាមចាប់ពីសតវត្សរ៍ទី ១ ដល់ទី ៧។ នេះគឺជាមជ្ឈមណ្ឌលពាណិជ្ជកម្មដ៏សំខាន់មួយនៅសម័យហ្វូណនបុរាណ ជាមួយនឹងប្រព័ន្ធប្រឡាយ ស្ថាបត្យកម្ម និងវត្ថុបុរាណវិទ្យា ដែលឆ្លុះបញ្ចាំងពីកម្រិតខ្ពស់នៃការអភិវឌ្ឍសេដ្ឋកិច្ច វប្បធម៌ និងជំនឿ។ ខេត្ត An Giang បច្ចុប្បន្នមានទីតាំងវប្បធម៌ Oc Eo​ជាង ៨០ កន្លែង ដែលក្នុងនោះ Oc Eo - Ba The គឺជាទីតាំងដ៏សំខាន់មួយ ដែលធ្លាប់ជាទីក្រុងកំពង់ផែ និងជាមជ្ឈមណ្ឌលសេដ្ឋកិច្ច និងវប្បធម៌ដ៏សំខាន់របស់សម័យហ្វូណនបុរាណ។ ក្នុងឆ្នាំ ២០១២ ទីតាំង Oc Eo - Ba The ត្រូវបាននាយករដ្ឋមន្ត្រីរដ្ឋាភិបាល ចាត់ថ្នាក់ជាបេតិកភ័ណ្ឌជាតិពិសេស៕

តាម vovworld.vn