ពិធីបើកពិធីបុណ្យទិញទំនិញទីក្រុងហាណូយ ឆ្នាំ២០២៥

ដោយមានស្តង់ស្តង់ដារប្រហែល ១២០ ស្តង់ ពិធីបុណ្យនេះបានទាក់ទាញការចូលរួមពីអង្គភាពអាជីវកម្មជិត ១១០ មកពីខេត្ត និងក្រុងចំនួន ១៤ ទូទាំងប្រទេស រួមមាន៖ Dien Bien, Quang Ninh, Hai Phong, Bac Ninh, Hung Yen, Da Nang, ទីក្រុងហូជីមិញ និង Khanh Hoa។ល។ ផលិតផលដែលត្រូវបានដាក់តាំងបង្ហាញជាកម្មសិទ្ធិរបស់វិស័យសំខាន់ៗជាច្រើនដូចជា៖ ផលិតផលប្រចាំតំបន់ ផលិតផល OCOP ផលិតផលពីភូមិសិប្បកម្មប្រពៃណី ម្ហូបអាហារ ភេសជ្ជៈ វាយនភណ្ឌ ស្បែកជើង និងម៉ូដ។

អតិថិជនទិញទំនិញនៅក្នុងពិធីបុណ្យ (រូបថត៖ baochinhphu.vn)

ពិធីបុណ្យទិញទំនិញឆ្នាំ២០២៥ ដែលប្រព្រឹត្តទៅចាប់ពីថ្ងៃទី២៥ ដល់ថ្ងៃទី២៨ ខែធ្នូ មានគោលបំណងផ្សព្វផ្សាយផលិតផលដែលផលិតនៅប្រទេសវៀតណាម រួមចំណែកជំរុញការប្រើប្រាស់ក្នុងស្រុក និងធ្វើឱ្យទីផ្សារមានស្ថិរភាព ជាពិសេសក្នុងរដូវទិញទំនិញកំពូលនៅចុងឆ្នាំ។ នេះក៏ជាសកម្មភាពជំរុញពាណិជ្ជកម្មដ៏សំខាន់មួយរបស់ទីក្រុងហាណូយផងដែរ ដោយបង្កើតលក្ខខណ្ឌអំណោយផលសម្រាប់អង្គភាពអាជីវកម្ម សហករណ៍ និងតំបន់នានា ពង្រីកទីផ្សារ តភ្ជាប់ការផ្គត់ផ្គង់ និងតម្រូវការ និងនាំទំនិញដែលមានគុណភាពមកដល់អ្នកប្រើប្រាស់នៅក្នុងរដ្ឋធានី និងភ្ញៀវទេសចរ៕

បកប្រែដោយ Huyen Trang