ពិធីបើកពិព័រណ៍ “វៀតណាម - ឥណ្ឌូនេស៊ី៖ ៧០ ឆ្នាំនៃកិច្ចសហប្រតិបត្តិការ និងការអភិវឌ្ឍ”

ពិព័រណ៍នេះគឺជាសកម្មភាពមួយក្នុងចំណោមសកម្មភាពឆ្ពោះទៅពិធីខួបលើកទី៧០ នៃការបង្កើតទំនាក់ទំនងការទូតរវាងវៀតណាម និងឥណ្ឌូនេស៊ី (ថ្ងៃទី ៣០ ខែធ្នូ ឆ្នាំ ១៩៥៥ / ថ្ងៃទី ៣០ ខែធ្នូ ឆ្នាំ ២០២៥)។

ប្រតិភូទៅទស្សនាការតាំងពិព័រណ៍

ពិព័រណ៍នេះដាក់តាំងបង្ហាញរូបភាព វត្ថុបុរាណ និងឯកសារដ៏មានតម្លៃជាច្រើន រួមទាំងវត្ថុបុរាណដែលត្រូវបានតាំងបង្ហាញជាលើកដំបូង ដូចជាអំណោយដែលរដ្ឋឥណ្ឌូនេស៊ីជូនលោកប្រធានហូជីមិញ សំបុត្ររបស់មិត្តអ្នកស្តាប់ឥណ្ឌូនេស៊ីផ្ញើដល់វិទ្យុសំឡេងវៀតណាម អំណោយដែលគណៈប្រតិភូយោធាឥណ្ឌូនេស៊ីជូនកងទ័ពប្រជាជនវៀតណាមក្នុងដំណើរទស្សនកិច្ច និងឯកសណ្ឋានដែលអ្នកបើកយន្តហោះរបស់កងពលកងទ័ពជើងអាកាសលេខ ១៨ ប្រើប្រាស់ក្នុងអំឡុងពេលហោះហើរពន្លត់អគ្គីភ័យ និងពន្លត់អគ្គីភ័យព្រៃឈើនៅឥណ្ឌូនេស៊ី... ទន្ទឹមនឹងនោះ ពិព័រណ៍នេះមានរូបថតចំនួន ៧០ សន្លឹក រួមទាំងរូបថតចំនួន ៣៥ សន្លឹករបស់អ្នកថតរូបវៀតណាម និងរូបថតចំនួន ៣៥ សន្លឹករបស់អ្នកថតរូបឥណ្ឌូនេស៊ី។ ពិព័រណ៍នេះមានគោលបំណងផ្សព្វផ្សាយដល់កម្មាភិបាល យុទ្ធជន និងប្រជាជនអំពីតម្លៃប្រវត្តិសាស្ត្រ និងសារៈសំខាន់នៃទំនាក់ទំនងមិត្តភាពដ៏យូរអង្វែង និងល្អ រវាងវៀតណាម និងឥណ្ឌូនេស៊ី ដែលត្រូវបានបង្កើតឡើងដោយលោកប្រធានហូជីមិញ និងលោក Sukarno ប្រធានាធិបតី ហើយត្រូវបានអភិវឌ្ឍទៅជាភាពជាដៃគូយុទ្ធសាស្ត្រគ្រប់ជ្រុងជ្រោយនាពេលបច្ចុប្បន្ន តាមរយៈនេះរួមចំណែកដល់ការរក្សា ពង្រឹង និងអភិវឌ្ឍទំនាក់ទំនងវៀតណាម-ឥណ្ឌូនេស៊ី។ ពិព័រណ៍នេះបើកពីថ្ងៃទី ២៣ ខែធ្នូ ឆ្នាំ២០២៥ នៅសារមន្ទីរប្រវត្តិសាស្ត្រយោធាវៀតណាម៕

បកប្រែដោយ Thanh Cong