ឆ្នាំ២០២៥ បានប្រព្រឹត្តទៅព្រឹត្តិការណ៍ប្រវត្តិសាស្ត្រមួយ គឺបណ្តុំកេរ្តិ៍ដំណែល និងរមណីដ្ឋាន Yen Tu - Vinh Nghiem - Con Son, Kiep Bac ត្រូវបានទទួលស្គាល់ជាតំបន់បេតិកភណ្ឌវប្បធម៌ពិភពលោកដោយអង្គការអប់រំ វិទ្យាសាស្ត្រ និងវប្បធម៌នៃអង្គការសហប្រជាជាតិ (UNESCO)។ ការទទួលស្គាល់នេះបានរួមចំណែកដល់ការលើកកម្ពស់តួនាទីរបស់ខេត្ត Quang Ninh នៅលើផែនទីបេតិកភណ្ឌពិភពលោក និងបើកឱកាសអភិវឌ្ឍន៍ថ្មីៗសម្រាប់ឧស្សាហកម្មវប្បធម៌។

leftcenterrightdel
ភ្ញៀវទេសចរអន្តរជាតិទៅទស្សនាគោលដៅទេសចរណ៍ល្បីៗ (រូបថត៖ baoquangninh.vn)

ទន្ទឹមនឹងនោះ ទេសចរណ៍ខេត្ត Quang Ninh ទទួលបានភ្ញៀវទេសចរចំនួន ២១.២៨ លាននាក់ ដែលលើសពីផែនការ ៦% រួមទាំងភ្ញៀវទេសចរអន្តរជាតិចំនួន ៤.៥ លាននាក់។ ចំណូលសរុបពីផ្នែកទេសចរណ៍ត្រូវបានប៉ាន់ប្រមាណថាមានចំនួន ៥៧,០០០ ពាន់លានដុង កើនឡើង ២២% បើប្រៀបធៀបទៅនឹងរយៈពេលដូចគ្នាកាលពីឆ្នាំមុន ដោយសារតែការបើកជើងហោះហើរអន្តរជាតិទៅកាន់ Van Don និងការទទួលនាវាទេសចរណ៍ធំៗនៅ Ha Long។ ទន្ទឹមនឹងនោះ សកម្មភាពវប្បធម៌នៅតែបន្តត្រូវបានជម្រុញ ជាមួយនឹងកម្មវិធីសិល្បៈ និងពិធីបុណ្យជាច្រើន ដែលក្លាយជាផលិតផលជំរុញវិស័យទេសចរណ៍។ សម្រាប់ឆ្នាំ ២០២៦ ខេត្ត Quang Ninh ដាក់គោលដៅទទួលភ្ញៀវទេសចរជាង ២២ លាននាក់ ជាមួយប្រាក់ចំណូល ៦៥,០០០ ពាន់លានដុង ដោយផ្តោតលើការអភិវឌ្ឍទេសចរណ៍បៃតង ទេសចរណ៍ឆ្លាតវៃ និងសេដ្ឋកិច្ចបេតិកភណ្ឌ៕

បកប្រែដោយ Thuy Anh