ការផ្លាស់ប្ដូរវប្បធម៌វៀតណាម-ម៉ាឡេស៊ី៖ ការពង្រីកតម្លៃអាស៊ាន

កម្មវិធីផ្លាស់ប្ដូរវប្បធម៌ និងសេដ្ឋកិច្ចអាស៊ីអាគ្នេយ៍នៅទីក្រុងកូឡាឡាំពួរ បានក្លាយជាចំណុចលេចធ្លោដ៏សំខាន់មួយនៅក្នុងសកម្មភាពជាបន្តបន្ទាប់ ដែលមានគោលបំណងពង្រឹងកិច្ចសហប្រតិបត្តិការ និងការផ្លាស់ប្តូរប្រជាជនក្នុងចំណោមប្រទេសអាស៊ាន។ ព្រឹត្តិការណ៍នេះ ដែលបានប្រារព្ធឡើងនៅថ្ងៃទី១៤ ខែធ្នូ មានគោលបំណងបង្កើតវេទិកាមួយ ដែលភ្ជាប់អ្នកគ្រប់គ្រង សិល្បករ និងអង្គការវប្បធម៌ និងសេដ្ឋកិច្ចនៅអាស៊ីអាគ្នេយ៍ ដោយហេតុនេះលើកកម្ពស់កិច្ចសហប្រតិបត្តិការប្រកបដោយចីរភាព និងលើកកម្ពស់តម្លៃវប្បធម៌ប្រពៃណី រួមជាមួយនឹងការអភិវឌ្ឍសេដ្ឋកិច្ចទំនើប។

គណៈប្រតិភូ សិល្បករ និងភ្ញៀវមកពីប្រទេសម៉ាឡេស៊ី និងវៀតណាម ថតរូបអនុស្សាវរីយ៍។ រូបថត៖ VNA

កម្មវិធីនេះបានទាក់ទាញសិល្បករមួយចំនួនធំមកពីប្រទេសម៉ាឡេស៊ី និងវៀតណាម ដែលបង្ហាញយ៉ាងច្បាស់អំពីស្មារតីសាមគ្គីភាព មិត្តភាព និងកិច្ចសហប្រតិបត្តិការកាន់តែស៊ីជម្រៅនៅអាស៊ីអាគ្នេយ៍។

កម្មវិធីផ្លាស់ប្ដូរនេះ បានបង្ហាញការសម្តែងសិល្បៈ ដែលឆ្លុះបញ្ចាំងពីអត្តសញ្ញាណវប្បធម៌ដ៏ប្លែករបស់ប្រទេសវៀតណាម និងម៉ាឡេស៊ី។ របាំ OneMalaysia បានបើកកម្មវិធីជាមួយនឹងសារអំពីភាពចម្រុះវប្បធម៌ និងឯកភាពជាតិ។

ដោយទទួលបានការបំផុសគំនិតពីសហគមន៍ម៉ាឡេ ចិន ឥណ្ឌា និងជនជាតិដើមភាគតិច ការសម្តែងនេះបានរួមបញ្ចូលកាយវិការប្រពៃណីទាំងឡាយទៅជារបាំរួមមួយ ដែលបង្ហាញពីស្មារតីនៃប្រទេសម៉ាឡេស៊ីដែលមានវប្បធម៌ចម្រុះ។ ការសម្តែង Chau Van - ទម្រង់សិល្បៈប្រជាប្រិយដ៏ពិសេសមួយរបស់វៀតណាម - បានបន្សល់ទុកនូវចំណាប់អារម្មណ៍យ៉ាងជ្រាលជ្រៅដល់ទស្សនិកជនអន្តរជាតិ។

បកប្រែដោយ Duy Hoan