ពិធីបុណ្យ Nem Con វៀតណាម-ឡាវ-ចិន នឹងប្រព្រឹត្តទៅនៅថ្ងៃទី១៩ ខែធ្នូ

ពិធីបុណ្យនេះគឺជាព្រឹត្តិការណ៍វប្បធម៌ប្រចាំឆ្នាំ ដែលមានសារៈសំខាន់ខាងនយោបាយ និងការបរទេស រួមចំណែកដល់ការពង្រឹងសាមគ្គីភាព បង្កើនការផ្លាស់ប្តូររវាងប្រជាជន និងប្រជាជន ផ្សព្វផ្សាយវប្បធម៌ និងជំរុញកិច្ចសហប្រតិបត្តិការអភិវឌ្ឍន៍ប្រកបដោយចីរភាពរវាងប្រទេសទាំងបី។

ពិធីបុណ្យ Nem Con វៀតណាម-ឡាវ-ចិន មានសកម្មភាពវប្បធម៌ សិល្បៈ កីឡា និងទេសចរណ៍ជាច្រើន (រូបថត៖ គណៈកម្មការរៀបចំ)

នៅឆ្នាំនេះ ពិធីបុណ្យនេះត្រូវបានរៀបចំដោយខេត្ត Dien Bien ដោយមានការចូលរួមពីគណៈប្រតិភូមកខេត្ត Dien Bien និងខេត្ត Lai Chau (វៀតណាម) Phongsaly (ឡាវ) និងស្រុក Jiangcheng ក្រុង Pu'er ខេត្តយូណាន (ចិន)។ ប្រធានបទនៃពិធីបុណ្យឆ្នាំនេះគឺ "សាមគ្គីភាព មិត្តភាព - ពង្រឹងមនោសញ្ចេតនានៅតំបន់ព្រំដែន - អភិវឌ្ឍជាមួយគ្នា"។

ក្នុងរយៈពេលបីថ្ងៃ ពិធីនឹងមានសកម្មភាពវប្បធម៌ សិល្បៈ កីឡា និងទេសចរណ៍ពិសេសជាច្រើន ដូចជា៖ ការសម្ដែងសិល្បៈ ការបង្ហាញម៉ូតសម្លៀកបំពាក់ប្រពៃណី ការតាំងពិព័រណ៍និងការផ្សព្វផ្សាយផលិតផលវប្បធម៌ ទេសចរណ៍ ការតាំងពិព័រណ៍រូបថតនៅក្នុងផ្សារ Muong Thanh ការប្រកួតកីឡា កម្មវិធី Famtrip ដើម្បីពិនិត្យផលិតផលទេសចរណ៍ និងជំនួបជាមួយធុរកិច្ចទេសចរណ៍...៕

បកប្រែដោយ Thanh Cong