ទីក្រុង Da Lat ទទួលពានរង្វាន់សំខាន់ៗចំនួន ២ នៅមហោស្រពអាស៊ី ២០២៥

ពានរង្វាន់ទាំងនេះត្រូវបានប្រគល់ជូននាយប់ថ្ងៃទី ២០ ខែមីនា នៅក្នុងកិច្ចប្រជុំកំពូលមហោស្រពសកលឆ្នាំ ២០២៥ នៅមជ្ឈមណ្ឌលសន្និបាត HICO ក្នុងទីក្រុង Gyeongju (កូរ៉េខាងត្បូង)។ លើសពីនេះ ទីក្រុង Da Lat ត្រូវបានលើកតម្កើងជា "មហោស្រពស្និទ្ធស្នាលជាមួយបរិស្ថានបំផុត" ដោយសមាគមមហោស្រពអន្តរជាតិ និងព្រឹត្តិការណ៍អាស៊ី (IFEA ASIA) ជ្រើសរើស។

អ្នកទេសចរសប្បាយរីករាយនៅបឹង Xuan Huong ស្ថិតនៅកណ្តាលទីក្រុង Da Lat (រូបថត៖ vnanet.vn)

នេះជាឆ្នាំទីពីរជាប់ៗគ្នាដែលទីក្រុង Da Lat ត្រូវបានលើកតម្កើងក្នុងពានរង្វាន់អន្តរជាតិដ៏មានកិត្យានុភាពនេះ ដោយបន្តបញ្ជាក់ពីឋានៈរបស់មូលដ្ឋាននៅលើផែនទីនៃពិធីបុណ្យក្នុងតំបន់។ មុននោះ ក្នុងឆ្នាំ ២០២៤ កម្មវិធីពានរង្វាន់មហោស្រពអាស៊ី បានលើកតម្កើងមហោស្រពផ្កា Da Lat ក្នុងប្រភេទនៃមហោស្រពផ្កា និងសួនឧទ្យានដ៏ស្រស់ស្អាតបំផុត ដោយបានចូលទៅក្នុងក្រុមនៃទីក្រុងមហោស្រពគួរឲ្យចាប់អារម្មណ៍ចំនួន ៥ នៅអាស៊ី។

ជាព្រឹត្តិការណ៍វប្បធម៌ និងទេសចរណ៍ឆ្នើមរបស់ខេត្ត Lam Dong មហោស្រពផ្កា Da Lat ដើរតួនាទីយ៉ាងសំខាន់ក្នុងការផ្សព្វផ្សាយតម្លៃវប្បធម៌ ធម្មជាតិ និងប្រជាជន Da Lat - Lam Dong ដល់មិត្តភក្តិទាំងជាតិ និងអន្តរជាតិ។ មិនត្រឹមតែលើកតម្កើងផ្កា និងរបរដាំផ្កាប្រពៃណីប៉ុណ្ណោះទេ មហោស្រពនេះក៏ជាស្ពានតភ្ជាប់រវាងអ្នកគ្រប់គ្រង អាជីវកម្ម កសិករ និងដៃគូក្នុងវិស័យកសិកម្ម ទេសចរណ៍ និងសេវាកម្មផងដែរ៕

តាម vovworld.vn