ថ្លែងមតិក្នុងឱកាសនេះ លោកស្រី Huynh Thi Chien Hoa អនុលេខាគណៈកម្មាធិការបក្សខេត្ត ប្រធានក្រុមប្រឹក្សាប្រជាជនខេត្ត Dak Lak បានឲ្យដឹងថា៖ មហោស្រពកាហ្វេ Buon Ma Thuot ប្រព្រឹត្តទៅចាប់ពីថ្ងៃទី ៩ ដល់ថ្ងៃទី ១៣ ខែមីនា ឆ្នាំ ២០២៥ នៅទីក្រុង Buon Ma Thuot និងតំបន់មួយចំនួនក្នុងខេត្តដោយមានសកម្មភាពសំខាន់ៗចំនួន ១៧។ នេះជាព្រឹត្តិការណ៍សេដ្ឋកិច្ច និងវប្បធម៌លេចធ្លោរបស់ខេត្ត Dak Lak។

leftcenterrightdel
កម្មវិធីសិល្បៈស្វាគមន៍មហោស្រព

ថ្លែងមតិក្នុងពិធីបើក លោកឧបនាយករដ្ឋមន្ត្រី Tran Hong Ha បានសង្កត់ធ្ងន់ថា៖ កាហ្វេវៀតណាមបច្ចុប្បន្នកំពុងឆ្ពោះទៅរកការអភិវឌ្ឍប្រកបដោយចីរភាព លើកកម្ពស់ខ្សែសង្វាក់តម្លៃផលិតផល។ នៅឆ្នាំ ២០២៤ ជាលើកដំបូង ការនាំចេញកាហ្វេសម្រេចបានលើសពី ៥ ពាន់លានដុល្លារអាមេរិក ដោយបន្តបញ្ជាក់ពីកិត្យានុភាពរបស់ខ្លួនជាអ្នកផ្គត់ផ្គង់កាហ្វេធំទីពីរនៅលើពិភពលោក បន្ទាប់ពីប្រេស៊ីល។ ដើម្បីលើកកំពស់គុណភាព ម៉ាកសញ្ញា តម្លៃកាហ្វេវៀតណាម និងលើកកំពស់ជីវភាពរស់នៅរបស់កសិករ លោកឧបនាយករដ្ឋមន្ត្រី Tran Hong Ha បានស្នើថា នាពេលខាងមុខ ក្រសួង ស្ថាប័ន មូលដ្ឋាននានាដែលមានតំបន់ផលិតកាហ្វេនៅទូទាំងប្រទេស សមាគមកាហ្វេ - កាកាវ វៀតណាម សហគ្រាសផលិត កែច្នៃ និងធ្វើអាជីវកម្មកាហ្វេត្រូវចែករំលែកទស្សនៈយុទ្ធសាស្ត្ររួម និងសហប្រតិបត្តិការយ៉ាងជិតស្និទ្ធ។ល៕

បកប្រែដោយ Huyen Trang