វៀតណាមលេចចេញជាចំណុចក្តៅថ្មីនៃទេសចរណ៍អាស៊ីអាគ្នេយ៍
នេះជាចំណងជើងនៃអត្ថបទវាយតម្លៃជំពោះទេសចរណ៍វៀតណាមដែលកាសែតអាល្លឺម៉ង់ Deutch Welle បានចេញផ្សាយកាលពីថ្ងៃទី ៥ ខែកក្កដា។
អ្នកនិពន្ធ Tommy Walker បានដកស្រង់របាយការណ៍របស់ Google Destination Insights ដែលបានវាយតម្លៃវៀតណាមគឺជាគោលដៅទេសចរណ៍ដែលត្រូវបានស្វែងរកច្រើនជាងគេទី ៧ ក្នុងរយៈពេលចាប់ពីខែមីនា ដល់ខែមិថុនា ហើយជាប្រទេសតែមួយគត់នៅអាស៊ីអាគ្នេយ៍ដែលឈានចូលTop ២០។
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/27/2023/07/07/vandiep_kh/07072023vd02.jpg?dpi=150&quality=100&w=500) |
រូបភាពទីក្រុង Hoi An នៅលើគេហទំព័រ Deutch Welle (ប្រភព៖ Deutch Welle) |
ភាពល្បីល្បាញរបស់វៀតណាមត្រូវបានបង្ហាញតាមរយៈបរិមាណភ្ញៀវទេសចរអន្តរជាតិមកវៀតណាមក្នុងរយៈពេល ៦ ខែដើមឆ្នាំនេះ ដែលសម្រេចបានជាង ៥,៥ លាននាក់ តួលេខនេះបានលើសពីចំនួនភ្ញៀវទេសចរអន្តរជាតិសរុបមកវៀតណាមពេញមួយឆ្នាំ២០២២។
អត្ថបទនេះក៏បានចាត់ទុកថា គោលនយោបាយទិដ្ឋាការថ្មីសម្រាប់ភ្ញៀវទេសចរអន្តរជាតិ នឹងជំរុញវិស័យទេសចរណ៍វៀតណាមកាន់តែអភិវឌ្ឍន៍។ អ្នកវិភាគទេសចរណ៍នៅទីក្រុងគូឡាឡាំពួរ (ម៉ាឡេស៊ី) លោក Gary Bowerman បានមានប្រសាសន៍ថា នៅពេលដែលគោលនយោបាយទិដ្ឋាការចូលជាធរមាននៅខែសីហា ខាងមុខ ចំនួនភ្ញៀវទេសចរអន្តរជាតិមកវៀតណាមនឹងកើនឡើងយ៉ាងខ្លាំង ជាពិសេសពីទីផ្សារចិន។ អ្នកនិពន្ធ Tommy Walker ជឿជាក់ថា នាពេលអនាគតមិនឆ្ងាយ វៀតណាមនឹងក្លាយជាគោលដៅដ៏ធំមួយក្នុងវិស័យទេសចរណ៍នៅអាស៊ីអាគ្នេយ៍៕
តាម vovworld.vn