តាមនោះ បើទាំងអ៊ីស្រាអែល និងក្រុមហាម៉ាស់បានយល់ព្រម ជម្លោះនៅហ្កាហ្សានឹងបញ្ចប់ភ្លាមមួយរំពិច។ ៧២ ម៉ោងបន្ទាប់ពីអ៊ីស្រាអែលយល់ព្រមតាមផែនការ ចំណាប់ខ្មាំងទាំងអស់ទាំងស្លាប់ ឬនៅរស់ នឹងត្រូវបានដោះលែង ជាថ្នូរនឹងការដោះលែងអ្នកទោស ២៥០នាក់ ដែលត្រូវបានកាត់ទោសឲ្យជាប់ពន្ធនាគារអស់មួយជីវិត រួមជាមួយនឹងប្រជាជនហ្គាហ្សា ១,៧០០ នាក់ដែលត្រូវបានឃុំខ្លួនបន្ទាប់ពីការវាយប្រហាររបស់ហាម៉ាសក្នុងខែតុលា ឆ្នាំ ២០២៣។ សមាជិកក្រុមហាម៉ាស់ដែលសន្យារស់នៅដោយសន្តិភាពនិងទម្លាក់អាវុធ នឹងត្រូវបានលើកលែងទោស ឬបង្កលក្ខណ្ឌឲ្យរស់នៅប្រទេសដែលទទួលពួកគេ។ ទន្ទឹមនឹងនោះ ទំនិញសង្គ្រោះនឹងត្រូវបានដឹកជញ្ជូនទៅកាន់ហ្គាហ្សាភ្លាមមួយរំពិច។

leftcenterrightdel
ប្រជាជនប៉ាឡេស្ទីនបានជម្លៀសខ្លួន ដើម្បីជៀសវាងជម្លោះនៅតំបន់ហ្គាហ្សា (រូបថត៖ vnanet.vn)

ផែនការរបស់លោក Donald Trump ក៏សង្កត់ធ្ងន់ថា ហ្គាហ្សានឹងត្រូវបានគ្រប់គ្រងជាបណ្តោះអាសន្នដោយគណៈកម្មាធិការប៉ាឡេស្ទីនមួយ ដោយសមាជិកគឺប្រជាជនប៉ាឡេស្ទីន និងអ្នកជំនាញអន្តរជាតិ។ អាមេរិកក៏នឹងបង្កើតយន្តការសន្ទនារវាងអ៊ីស្រាអែលនិងប្រជាជនប៉ាឡេស្ទីនដើម្បីឈានដល់ការឯកភាពគ្នាលើកត្តាមូលដ្ឋានសម្រាប់ការរួមរស់ដោយសន្តិភាពនិងវិបុលភាព។ នាយករដ្ឋមន្ត្រីអ៊ីស្រាអែលលោក Benjamin Netanyahu បានយល់ព្រមចំពោះផែនការរបស់ប្រធានាធិបតី លោក Donald Trump។ អ្នកសម្រុះសម្រួលកាតា និងអេហ្ស៊ីបបានជួបជាមួយក្រុមហាម៉ាស ដើម្បីប្រគល់ផែនការសន្តិភាពរបស់លោក Donald Trump ដល់កងកម្លាំងនេះផងដែរ៕

តាម vovworld.vn