នៅលើបណ្តាញសង្គម X លោក Keir Starmer នាយករដ្ឋមន្ត្រីអង់គ្លេស បានលើកច្បាស់ថា ដើម្បីបំផុសក្តីសង្ឃឹមសន្តិភាពសម្រាប់ប៉ាឡេស្ទីន និងអ៊ីស្រាអែល ក៏ដូចជាដំណោះស្រាយរដ្ឋពីរ ចក្រភពអង់គ្លេសបានទទួលស្គាល់រដ្ឋប៉ាឡេស្ទីនជាផ្លូវការ។ សេចក្តីប្រកាសនេះត្រូវបានចាត់ទុកជាការផ្លាស់ប្តូរជាប្រវត្តិសាស្ត្រក្នុងគោលនយោបាយការបរទេសរបស់អង់គ្លេស អស់រយៈពេលជាច្រើនទសវត្សរ៍កន្លងទៅ។

leftcenterrightdel
ជនភៀសខ្លួនប៉ាឡេស្ទីន ធ្វើដំណើរទៅភាគខាងត្បូងតំបន់ហ្គាហ្សា នាថ្ងៃទី ២១ ខែកញ្ញា ឆ្នាំ ២០២៥ (រូបថត៖ REUTERS/Dawoud Abu Alkas)

នាថ្ងៃដដែល លោក Mark Carney នាយករដ្ឋមន្ត្រីកាណាដា បានប្រកាសទទួលស្គាល់រដ្ឋប៉ាឡេស្ទីនជាផ្លូវការ និងលើកសំណើរលើកិច្ចសហប្រតិបត្តិការក្នុងការកសាងការសន្យាឆ្ពោះទៅអនាគតប្រកបដោយសន្តិភាពសម្រាប់ទាំងរដ្ឋប៉ាឡេស្ទីន និងរដ្ឋអ៊ីស្រាអែល។ សេចក្តីប្រកាសបានសង្កត់ធ្ងន់ថា ការទទួលស្គាល់របស់កាណាដាគឺសមស្របទាំងស្រុងជាមួយនឹងគោលការណ៍ស្វ័យសម្រេច និងសិទ្ធិមនុស្សជាមូលដ្ឋានដែលមានចែងនៅក្នុងធម្មនុញ្ញអង្គការសហប្រជាជាតិ។

នាថ្ងៃទី ២១ ខែកញ្ញា លោក Anthony Albanese នាយករដ្ឋមន្ត្រីអូស្ត្រាលី បានប្រកាសថា អូស្ត្រាលីទទួលស្គាល់រដ្ឋប៉ាឡេស្ទីនជាផ្លូវការ។ ប្លុកវិបុលភាពរួមអូស្ត្រាលី ក៏បានទទួលស្គាល់ជាផ្លូវការថា រដ្ឋប៉ាឡេស្ទីនមាន "ឯករាជ្យ និងអធិបតេយ្យភាព"។

ដូច្នេះហើយ មកទល់ពេលនេះ មានប្រទេសជាង ១៤០ បានទទួលស្គាល់រដ្ឋប៉ាឡេស្ទីនជាផ្លូវការ៕

តាម vovworld.vn