ក្នុងក្របខ័ណ្ឌនៃសកម្មភាពនៅក្នុងកិច្ចពិភាក្សាទូទៅកម្រិតខ្ពស់នៃមហាសន្និបាតអង្គការសហប្រជាជាតិ លើកទី៨០ នាថ្ងៃទី ២៣ ខែកញ្ញា លោក Bui Thanh Son ឧបនាយករដ្ឋមន្ត្រី  បានអញ្ជើញចូលរួម និងថ្លែងសុន្ទរកថាក្នុងកិច្ចប្រជុំកម្រិតខ្ពស់ស្តីពីគំនិតផ្តួចផ្តើមអភិវឌ្ឍន៍សកល (GDI) ក្រោមប្រធានបទ "បញ្ជាក់ឡើងវិញនូវការប្តេជ្ញាចិត្ត ការរួបរួម ដើម្បីបង្កើតអនាគតដ៏ភ្លឺស្វាងសម្រាប់សកលលោក ដែលរៀបចំដោយប្រទេសចិន។

leftcenterrightdel
លោក Bui Thanh Son ឧបនាយករដ្ឋមន្ត្រីវៀតណាម (រូបថត៖ VNA)

ថ្លែងមតិក្នុងកិច្ចប្រជុំ លោក Bui Thanh Son ឧបនាយករដ្ឋមន្ត្រី  បានវាយតំលៃខ្ពស់ចំពោះតួនាទីរបស់ GDI ក្នុងការកៀរគរធនធាន និងពង្រឹងកិច្ចសហប្រតិបត្តិការអន្តរជាតិ ដើម្បីសម្រេចបាននូវគោលដៅអភិវឌ្ឍន៍ប្រកបដោយចីរភាព។ ដើម្បីសម្រេចបាននូវគោលដៅទាំងនេះ លោកឧបនាយករដ្ឋមន្ត្រីបានដាក់សំណើចំនួនបី៖ ទីមួយ ការលើកកម្ពស់ពហុភាគីនិយម និងតួនាទីកណ្តាលរបស់អង្គការសហប្រជាជាតិក្នុងការឆ្លើយតបទៅនឹងបញ្ហាប្រឈមជាសកល។ ទីពីរ ការធានាដំណើរការផ្លាស់ប្តូរពណ៌បៃតង និងឌីជីថលបម្រើប្រទេសទាំងអស់ និងប្រជាជនទាំងអស់។ ទីបី ផ្តល់អាទិភាពដល់ការលើកកម្ពស់ការតភ្ជាប់ឌីជីថលដ៏ទូលំទូលាយក្នុងវិស័យដីគោក អាកាសចរណ៍ និងសមុទ្រ។

ក្នុងឱកាសចូលរួមកិច្ចប្រជុំជាន់ខ្ពស់ GDI លោក Bui Thanh Son ឧបនាយករដ្ឋមន្ត្រី  ក៏បានជួបជាមួយ លោក Li Qiang នាយករដ្ឋមន្ត្រីចិន និង លោក Mian Muhammad Shehbaz Sharif នាយករដ្ឋមន្ត្រីប៉ាគីស្ថាន ផងដែរ៕

បកប្រែដោយ Duy Hoan