មានប្រសាសន៍នៅមហាសន្និបាត លោក Tran Thanh Man ប្រធានរដ្ឋសភា បានសង្កត់ធ្ងន់ថា មហាសន្និបាតត្រូវតែបង្ហាញពីការប្តេជ្ញាចិត្តធ្វើឲ្យខេត្ត Khanh Hoa ក្លាយជាប៉ូលកំណើនយុទ្ធសាស្ត្ររបស់ប្រទេសជាតិ ទីក្រុងក្រោមឱវាទមជ្ឈិម និងជាមជ្ឈមណ្ឌលសេដ្ឋកិច្ចសមុទ្រទំនើប និងដល់ឆ្នាំ ២០៣០ សម្រេចបានអត្រាកំណើន GRDP ជាមធ្យម ១១-១២% ក្នុងមួយឆ្នាំ; GRDP ជាមធ្យមក្នុងមនុស្សម្នាក់ ស្ថិតនៅក្នុងចំណោមមូលដ្ឋានខ្ពស់បំផុតទាំង ១០ នៅក្នុងប្រទេស ។ លោកប្រធានរដ្ឋសភាបានស្នើឲ្យខេត្ត Khanh Hoa តភ្ជាប់យ៉ាងជិតស្និទ្ធនូវការអភិវឌ្ឍសេដ្ឋកិច្ចជាមួយការពង្រឹងការពារជាតិ សន្តិសុខ រក្សាយ៉ាងរឹងមាំនូវស្ថិរភាពនយោបាយ និងការពារអធិបតេយ្យភាពជាតិ; ផ្តោតលើសកម្មភាពកិច្ចការបរទេស និងធ្វើសមាហរណកម្មអន្តរជាតិយ៉ាងសកម្ម។

leftcenterrightdel
លោក Tran Thanh Man ប្រធានរដ្ឋសភា ប្រគល់សេចក្តីសម្រេចស្តីពីការងារបុគ្គលិកនៅមហាសន្និបាត

មហាសន្និបាតបានវាយតម្លៃ និងបូកសរុបការអនុវត្តសេចក្តីសម្រេចចិត្តនៃមហាសន្និបាតបក្សអាណត្តិ ២០២០-២០២៥ នៃខេត្តទាំងពីរគឺ Khanh Hoa និង Ninh Thuan; កំណត់គោលដៅ ភារកិច្ច និងដំណោះស្រាយដើម្បីកសាងខេត្ត Khanh Hoa កែលម្អការអភិវឌ្ឍរបស់ខ្លួនក្នុងអាណត្តិថ្មី ២០២៥-២០៣០ និងឆ្នាំបន្តបន្ទាប់ទៀត។ គណៈកម្មាធិការប្រតិបត្តិការបក្សខេត្ត Khanh Hoa អាណត្តិ ២០២៥-២០៣០ មានសមាជិកចំនួន ៥៤ នាក់ គណៈកម្មាធិការអចិន្ត្រៃយ៍បក្សខេត្តមានសមាជិកចំនួន ១៤ នាក់។ លោក Nghiem Xuan Thanh ត្រូវបានតែងតាំងឲ្យកាន់តំណែងជាលេខាគណៈកម្មាធិការបក្សខេត្ត Khanh Hoa៕

បកប្រែដោយ Thanh Cong