អាស៊ាន-ចិន បញ្ជាក់ជាថ្មីនូវការសន្យាជម្រុញទំនាក់ទំនងភាពជាដៃគូយុទ្ធសាស្ត្រគ្រប់ជ្រុងជ្រោយ

នៅក្នុងកិច្ចប្រជុំលើកទី ២៤ នៃគណៈកម្មាធិការសហប្រតិបត្តិការរួមអាស៊ាន-ចិន (JCC) ភាគីទាំងពីរបានបញ្ជាក់ជាថ្មីនូវការសន្យាជម្រុញទំនាក់ទំនងភាពជាដៃគូយុទ្ធសាស្ត្រគ្រប់ជ្រុងជ្រោយ។

ប្រទេសចិនក៏បានអះអាងជាថ្មីនូវការគាំទ្ររបស់ខ្លួនចំពោះការកសាងសហគមន៍អាស៊ាន និងតួនាទីមជ្ឈភាពរបស់អាស៊ាននៅក្នុងយន្តការតំបន់ដែលដឹកនាំដោយអាស៊ាន។

លោក Kao Kim Hourn អគ្គលេខាធិការ​អាស៊ាន  (ស្ដាំ) និង លោក Qin Gang ​រដ្ឋមន្ត្រី​ការបរទេស​ចិន នៅ​ក្នុង​កិច្ច​ប្រជុំ​មួយ​ក្នុង​ទីក្រុង​ហ្សាកាតា កាល​ពី​ថ្ងៃ​ទី២២ ខែ​កុម្ភៈ ឆ្នាំ​២០២៣

លោក Aung Myo Myint តំណាងប្រចាំការមីយ៉ាន់ម៉ាប្រចាំនៅអាស៊ាន និងលោក Hou Yanqi ឯកអគ្គរដ្ឋទូតចិនប្រចាំអាស៊ាន ធ្វើជាសហអធិបតីនៃកិច្ចប្រជុំនេះ ដោយមានការចូលរួមពីតំណាងប្រចាំការនៃប្រទេសសមាជិកអាស៊ាន និងលោក Michael Tene អគ្គលេខាធិការរងអាស៊ានទទួលបន្ទុកសហគមន៍នយោបាយសន្តិសុខ ។

នៅក្នុងជំនួបនេះ ភាគីទាំងពីរបានផ្លាស់ប្តូរយោបល់លើស្ថានភាពក្នុងតំបន់អាស៊ាន និងចិន ព្រមទាំងបានពិភាក្សាអំពីការអភិវឌ្ឍកិច្ចសហប្រតិបត្តិការក្នុងឆ្នាំកន្លងមក។

វឌ្ឍនភាពគួរឱ្យកត់សម្គាល់ដែលសម្រេចបានក្នុងវិស័យជាច្រើនក្រោមផែនការសកម្មភាពអាស៊ាន-ចិន ២០២១-២០២៥ និងឧបសម្ព័ន្ធ ដើម្បីជម្រុញទំនាក់ទំនងភាពជាដៃគូយុទ្ធសាស្ត្រគ្រប់ជ្រុងជ្រោយអាស៊ាន-ចិន (CSP) ជាពិសេសនៅក្នុងកិច្ចសន្ទនានយោបាយ និងកិច្ចសហប្រតិបត្តិការ សន្តិសុខមិនប្រពៃណី ពាណិជ្ជកម្ម និងការវិនិយោគ អាហារ និងកសិកម្ម បច្ចេកវិទ្យាព័ត៌មាន  សន្តិសុខតាមអ៊ីនធឺណិត សេដ្ឋកិច្ចឌីជីថល ទេសចរណ៍ ការអប់រំ សុខភាពសាធារណៈ វប្បធម៌ ព័ត៌មាន បរិស្ថាន និងការអភិវឌ្ឍប្រកបដោយចីរភាព៕

បកប្រែដោយ Duy Hoan