ឥណ្ឌូណេស៊ីបង្ហាញគោលជំហរដ៏រឹងមាំស្តីពីអធិបតេយ្យភាពលើសមុទ្រនិងកោះ
ជិតមួយសប្តាហ៍ បន្ទាប់ពីនាវានេសាទនិងនាវាប៉ូលីសសមុទ្រចិនជាង ៦០ គ្រឿង បានឈានចូលខុសច្បាប់ទៅក្នុងតំបន់សមុទ្រ Natuna ចំណុះខេត្ត Riau ក្នុងរយៈពេលប៉ុន្មានកន្លងមក ចាប់ពីថ្ងៃទី ១៩ ដល់ ថ្ងៃទី២៤ ខែធ្នូ ប្រធានាធិបតីឥណ្ឌូនេស៊ី លោក Joko Widodo បានប្រកាសថា អធិបតេយ្យភាពរបស់ប្រទេសនេះនៅតំបន់សមុទ្រ Natuna គឺជា “ប្រការដែលមិនអាចតថ្លៃបានឡើយ”។
    |
 |
|
ឥណ្ឌូណេស៊ីបង្ហាញគោលជំហរដ៏រឹងមាំស្តីពីអធិបតេយ្យភាពលើសមុទ្រនិងកោះ (រូបថត៖ vov.vn) |
នាថ្ងៃទី ៦ ខែមករា ប្រធានាធិបតីឥណ្ឌូនេស៊ី លោក Joko Widodo បានប្រកាសថា អធិបតេយ្យភាពរបស់ប្រទេសនេះនៅតំបន់សមុទ្រ Natuna គឺជា “ប្រការដែលមិនអាចតថ្លៃបានឡើយ” ។
សេចក្តីថ្លែងការណ៍ពោលខាងលើនេះរបស់លោក Joko Widodo បានធ្វើឡើងជិតមួយសប្តាហ៍ បន្ទាប់ពីនាវានេសាទនិងនាវាប៉ូលីសសមុទ្រចិនជាង ៦០ គ្រឿង បានឈានចូលខុសច្បាប់ទៅក្នុងតំបន់សមុទ្រ Natuna ចំណុះខេត្ត Riau ក្នុងរយៈពេលប៉ុន្មានកន្លងមក ចាប់ពីថ្ងៃទី ១៩ ដល់ ថ្ងៃទី២៤ ខែធ្នូ។
មុននេះរដ្ឋាភិបាលឥណ្ឌូនេស៊ីបានចោទប្រកាន់ប្រទេសចិនថាបានរំលោភបំពានលើតំបន់សេដ្ឋកិច្ចផ្តាច់មុខរបស់ខ្លួន (EEZ) ហើយប្រកាសថានឹងមិនដែលទទួលស្គាល់ ខ្សែបន្ទាត់ ៩ ត្រេដែលប្រទេសចិនគូសឡើងជាឯកតោភាគីនៅលើសមុទ្រខាងកើត ហើយមិនត្រូវបានអន្តរជាតិទទួលស្គាល់ទៀតផង ជាពិសេសគឺអនុសញ្ញាអង្គការសហប្រជាជាតិស្តីពីច្បាប់សមុទ្រឆ្នាំ១៩៨២ ( UNCLOS)។ ទន្ទឹមនឹងនេះ ឥណ្ឌូនេស៊ីបានអះអាងថាតំបន់ EEZ របស់ខ្លួនត្រូវបានកំណត់ស្របតាមច្បាប់អន្ដរជាតិ ព្រមទាំងសង្កត់ធ្ងន់ថា ជាសក្ខីភាពក្នុងការចុះហត្ថលេខា UNCLOS ប្រទេសចិនត្រូវមានកាតព្វកិច្ចគោរពនិងអនុវត្តឯកសារទាំងនេះផងដែរ៕
តាម vovworld