ប្រធានាធិបតីអាមេរិកប្រកាសថា អ៊ីស្រាអែល និងក្រុមហាម៉ាស់បានសម្រេចកិច្ចព្រមព្រៀងស្តីពីដំណាក់កាលដំបូងនៃផែនការសន្តិភាព

ជាក់ស្ដែង ហាម៉ាស់នឹងដោះលែងចំណាប់ខ្មាំងទាំងអស់ក្នុងពេលឆាប់ៗនេះ ហើយ អ៊ីស្រាអែលនឹងដកទ័ពមកខ្សែបន្ទាត់ព្រំដែនដែលបានព្រមព្រៀងគ្នាពីមុន។ នេះនឹង ជាជំហានដំបូងឆ្ពោះទៅរកសន្តិភាពដ៏រឹងមាំ ចីរភាពនិងជារៀងរហូត។ ប្រធានាធិបតី អាមេរិក លោក Donald Trump បានសង្កត់ធ្ងន់ថា ភាគីទាំងអស់គួរតែត្រូវបានប្រព្រឹត្តិ ដោយសមធម៌ ហើយនេះគឺជាថ្ងៃដ៏មហិមារសម្រាប់ពិភពអារ៉ាប់ និងមូស្លីម អ៊ីស្រាអែល និងប្រទេសជិតខាងទាំងអស់ ក៏ដូចជាសហរដ្ឋអាមេរិកផងដែរ។ លោក Donald Trump ក៏បានថ្លែងអំណរគុណផងដែរចំពោះអ្នកសម្រុះសម្រួលការផ្សះផ្សាពីប្រទេសកាតា អេហ្ស៊ីប និងទួរគីផងដែរ។

អគារមួយបានដួលរលំបន្ទាប់ពីការវាយប្រហារតាមជើងអាកាសរបស់អ៊ីស្រាអែលនៅក្នុងក្រុងហ្គាហ្សា (រូបថត៖ vnanet.vn)

ក្នុងពេលជាមួយគ្នានោះ នាយករដ្ឋមន្ត្រីអ៊ីស្រាអែល លោក Benjamin Netanyahu បានចែករំលែកនៅលើបណ្តាញសង្គមថា រដ្ឋអំណាចនៃប្រទេសនេះនឹងនាំ ចំណាប់ខ្មាំងទាំងអស់មកផ្ទះវិញក្នុងពេលឆាប់ៗនេះ។ ចំណែកក្រុមហាម៉ាស់វិញ យោងតាមកាសែតប្រចាំថ្ងៃ al-Mayadeen ដែលមានទំនាក់ទំនងជាមួយចលនា Hezbollah ក្នុងប្រទេសលីបង់ បន្ទាប់ពីក្រុមហាម៉ាស់បានយល់ព្រមលើកិច្ចព្រមព្រៀង ឈប់បាញ់នៅតំបន់ហ្គាហ្សា កិច្ចព្រមព្រៀងនឹងត្រូវចុះហត្ថលេខានៅថ្ងៃទី ៩ ខែតុលា នៅក្នុងប្រទេសអេហ្ស៊ីបតែម្ដង៕

តាម vovworld.vn