វៀតណាមគោរពគោលការណ៍នៃធម្មនុញ្ញអង្គការសហប្រជាជាតិ

គណៈប្រតិភូបក្សកុម្មុយនិស្តវៀតណាម ដឹកនាំដោយលោក Ngo Le Van អនុរដ្ឋមន្ត្រីក្រសួងការបរទេសបានចូលរួមក្នុងព្រឹត្តិការណ៍នេះ។

កិច្ចប្រជុំគណៈកម្មាធិការអចិន្ត្រៃយ៍ ICAPP លើកទី ៤៣ បានផ្តោតលើការពិនិត្យឡើងវិញនូវសកម្មភាពរបស់ ICAPP ចាប់តាំងពីកិច្ចប្រជុំពេញអង្គលើកទី ១២ (ចុងឆ្នាំ ២០២៤) និងពិភាក្សាអំពីផែនការសហប្រតិបត្តិការចាប់ពីពេលនេះរហូតដល់ដំណាច់ឆ្នាំ ២០២៥ និងទិសដៅនៃការអនុវត្តការផ្តោតសំខាន់របស់ ICAPP នាពេលខាងមុខ។

កិច្ចប្រជុំលើកទី៤៣ នៃគណៈកម្មាធិការអចិន្ត្រៃយ៍នៃសន្និសីទអន្តរជាតិគណបក្សនយោបាយនៅអាស៊ី (ICAPP) (រូបថត៖ ក្រសួងការបរទេស)

នៅក្នុងកិច្ចប្រជុំនេះ លោក Ngo Le Van បានវាយតម្លៃខ្ពស់ចំពោះកិច្ចខិតខំប្រឹងប្រែងរបស់គណៈកម្មាធិការអចិន្ត្រៃយ៍ ICAPP ក្នុងការថែរក្សាសកម្មភាពរបស់អង្គការ ស្វាគមន៍សកម្មភាពចម្រុះកាន់តែខ្លាំងឡើងរបស់ ICAPP ក្នុងបរិបទភូមិសាស្ត្រនយោបាយក្នុងតំបន់ និងពិភពលោកកាន់តែប្រែប្រួលយ៉ាងស្មុគស្មាញ និងមិនអាចទាយទុកជាមុនបាន។ ប្រធានគណៈប្រតិភូវៀតណាមបានលើកឡើងទិសដៅមួយចំនួនដើម្បីពង្រឹងតួនាទីរបស់គណៈកម្មាធិការអចិន្ត្រៃយ៍ ICAPP និងក្នុងការលើកកម្ពស់សន្តិភាព កិច្ចសហប្រតិបត្តិការ និងការអភិវឌ្ឍក្នុងតំបន់ និងនៅលើពិភពលោក។

មានប្រសាសន៍នៅសន្និសីទសន្តិសុខអាស៊ី-អឺរ៉ុប ដែលរៀបចំដោយគណបក្សរុស្ស៊ីរួបរួម លោក Ngo Le Van បានអំពាវនាវឱ្យមានកិច្ចសន្ទនាដើម្បីសន្តិសុខ ស្ថិរភាព វិបុលភាព និងការអភិវឌ្ឍប្រកបដោយចីរភាពក្នុងតំបន់ និងនៅលើពិភពលោក ព្រមទាំងគោរពគោលការណ៍នៃធម្មនុញ្ញអង្គការសហប្រជាជាតិ និងតួនាទីរបស់ច្បាប់អន្តរជាតិ៕

បកប្រែដោយ Huyen Trang