ប៉ាគីស្ថាន​បញ្ជាក់សារ​​ជាថ្មី​អំពី​សំណើ​ចរចា​ជាមួយ​ឥណ្ឌា

មេដឹកនាំប៉ាគីស្ថានបានអះអាងថា ប្រទេសជិតខាងអាស៊ីខាងត្បូងទាំងពីរត្រូវចូលអង្គុយតុចរចា និងដោះស្រាយបញ្ហាប្រឈមសំខាន់ៗ រួមទាំងបញ្ហាកាស្មៀរ ធនធានទឹកទន្លេ ឥណ្ឌូ និងអំពើភេរវកម្ម។

លោក Shehbaz Sharif នាយករដ្ឋមន្ត្រីប៉ាគីស្ថាន (រូបថត៖ រ៉យទ័រ)

សេចក្តីប្រកាសរបស់នាយករដ្ឋមន្ត្រីប៉ាគីស្ថាន Shehbaz Sharif បានធ្វើឡើងនៅពេលដែលលោកបានចូលរួមកិច្ចប្រជុំកំពូលត្រីភាគីរវាងប្រទេសប៉ាគីស្ថាន ទួរគី និង Azerbaijan នៅទីក្រុង Lachin ប្រទេស Azerbaijan។ ថ្លែងនៅក្នុងកិច្ចប្រជុំរួមជាមួយលោក Recep Tayyip Erdogan ប្រធានាធិបតីទួរគី និងលោក Ilham Aliyev លោក Sharif ប្រធានាធិបតី Azerbaijani បានឲ្យដឹងថា ប៉ាគីស្ថានចង់បានសន្តិភាពនៅក្នុងតំបន់ ដូច្នេះចាំបាច់ត្រូវដោះស្រាយបញ្ហាបច្ចុប្បន្ន ជាមួយប្រទេសជិតខាងឥណ្ឌាក្នុងលក្ខណៈមិត្តភាព។ មេដឹកនាំប៉ាគីស្ថានក៏បានលើកឡើងពីបញ្ហាភេរវកម្ម ដោយនិយាយថា ប្រសិនបើឥណ្ឌាចង់ពិភាក្សាលើការប្រយុទ្ធប្រឆាំងភេរវកម្មដោយស្មោះត្រង់នោះ ប៉ាគីស្ថានក៏សុខចិត្តពិភាក្សាជាមួយឥណ្ឌាដែរ។ លោកនាយករដ្ឋមន្ត្រីប៉ាគីស្ថានក៏បានបញ្ជាក់ពីបំណងចង់តភ្ជាប់ពាណិជ្ជកម្មឡើងវិញ ប្រសិនបើឥណ្ឌាមានឆន្ទៈសហការ។

នេះជាកាយវិការថ្មីបំផុតរបស់ប៉ាគីស្ថាន ដើម្បីបង្ហាញពីបំណងចង់ចូលរួមកិច្ចសន្ទនាជាមួយប្រទេសជិតខាងឥណ្ឌាលើបញ្ហាទ្វេភាគីដែលមានស្រាប់ ជាពិសេសចាប់តាំងពីការវាយប្រហារភេរវកម្មនៅទឹកដីសហព័ន្ធកាស្មៀររបស់ឥណ្ឌា កាលពីថ្ងៃទី ២២ ខែមេសា និងជម្លោះទ្វេភាគីរយៈពេលបួនថ្ងៃនៅដើមខែឧសភា៕

តាម vovworld.vn