សហរដ្ឋអាមេរិកស្នើឱ្យស្ថានទូតផ្អាកការសម្ភាសន៍ទិដ្ឋាការថ្មីសម្រាប់និស្សិតអន្តរជាតិ
កាលពីថ្ងៃទី ២៧ ឧសភា (តាមម៉ោងក្នុងស្រុក) រដ្ឋបាលប្រធានាធិបតីអាមេរិក លោក ដូណាល់ ត្រាំ បានស្នើឱ្យស្ថានទូត និងស្ថានកុងស៊ុលរបស់ខ្លួនជុំវិញពិភពលោក ផ្អាកជាបណ្តោះអាសន្នការរៀបចំកាលវិភាគធ្វើសម្ភាសន៍ទិដ្ឋាការថ្មីសម្រាប់និស្សិតបរទេស។
ប្រព័ន្ធផ្សព្វផ្សាយដូចជា Politico និង Bloomberg បានរាយការណ៍ថា រដ្ឋមន្ត្រីការបរទេសអាមេរិក លោក Marco Rubio កាលពីថ្ងៃទី ១៧ ឧសភា បានបញ្ជាឱ្យស្ថានទូតនិងស្ថានកុងស៊ុលរបស់ប្រទេសនេះ មិនរៀបចំកាលវិភាគធ្វើសម្ភាសន៍ថ្មី សម្រាប់អ្នកដាក់ពាក្យសុំទិដ្ឋាការនិស្សិតបរទេសទៅសហរដ្ឋអាមេរិក ហើយការសម្រេចចិត្តនេះ នឹងចូលជាធរមានភ្លាមមួយរំពិច។ សេចក្តីបញ្ជានេះត្រូវបានផ្ញើទៅកាន់ភ្នាក់ងារការទូតអាមេរិកទាំងអស់នៅជុំវិញពិភពលោក។
កាលពីមុន រដ្ឋបាលសហរដ្ឋអាមេរិកក៏បានដាក់ចេញលក្ខខណ្ឌត្រួតពិនិត្យប្រព័ន្ធផ្សព្វផ្សាយសង្គមមួយចំនួនផងដែរ ប៉ុន្តែលក្ខណ្ឌទាំងនេះ គឺ សំដៅទៅលើនិស្សិតដែលអាចបានចូលរួមក្នុងការតវ៉ាប្រឆាំងនឹងប្រតិបត្តិការរបស់អ៊ីស្រាអែលនៅតំបន់ហ្គាហ្សា៕
តាម vovworld.vn