សហរដ្ឋអាមេរិករឹតបន្តឹងលក្ខខណ្ឌទិដ្ឋាការសម្រាប់និស្សិត និងអ្នកសារព័ត៌មានបរទេស
រដ្ឋបាលរបស់លោកប្រធានាធិបតី Trump នៅថ្ងៃទី ២៧ ខែសីហាបានប្រកាសសេចក្តីព្រាងនៃបទប្បញ្ញត្តិថ្មី ដើម្បីកំណត់ថេរវេលានៃទិដ្ឋាការសម្រាប់និស្សិតអន្តរជាតិ អ្នកចូលរួមកម្មវិធីផ្លាស់ប្តូរវប្បធម៌ និងអ្នកកាសែតបរទេស ជំនួសឱ្យយន្តការដែលអាចបត់បែនបានដូចពីមុន។
តាមនោះ ទិដ្ឋាការ F (សិស្ស), ទិដ្ឋាការ J (កម្មវិធីផ្លាស់ប្តូរវប្បធម៌) និងទិដ្ឋាការ I (អ្នកសារព័ត៌មាន) នឹងមានថេរវេលាកំណត់។ បុគ្គលទាំងនេះនឹងត្រូវដាក់ពាក្យស្នើសុំពន្យារពេល ប្រសិនបើពួកគេចង់ស្នាក់នៅបានយូរ ជំនួសឱ្យការមានសុពលភាពរហូតដល់ចុងបញ្ចប់នៃវគ្គសិក្សា កម្មវិធី ឬការងាររបស់ពួកគេនៅសហរដ្ឋអាមេរិក។
តួលេខរបស់រដ្ឋាភិបាលបង្ហាញថា នៅឆ្នាំ ២០២៤ សហរដ្ឋអាមេរិកមាននិស្សិតអន្តរជាតិប្រមាណ ១.៦ លាននាក់ រួមជាមួយនឹងអ្នកចូលរួមកម្មវិធីផ្លាស់ប្តូរវប្បធម៌ចំនួន ៣៥៥,០០០ នាក់ និងអ្នកកាសែតបរទេសចំនួន ១៣,០០០ នាក់។
រដ្ឋបាល Trump បានចាត់ទុកថា ការផ្លាស់ប្តូរនេះសំដៅ "បង្កើនការត្រួតពិនិត្យ និងការគ្រប់គ្រង" លើមនុស្សមួយចំនួនធំដែលកំពុងស្នាក់នៅសហរដ្ឋអាមេរិកដោយទិដ្ឋាការស្របច្បាប់។ សាធារណជននឹងមានរយៈពេល ៣០ ថ្ងៃដើម្បីផ្តល់យោបល់ មុនពេលបទប្បញ្ញត្តិនេះ អាចត្រូវបានចេញផ្សាយជាផ្លូវការ៕
តាម vovworld.vn