លោក To Lam អគ្គលេខាបក្សទទួលជួបប្រធានខុទ្ទកាល័យមជ្ឈិមបក្សប្រជាជនបដិវត្តន៍ឡាវ

លោក To Lam អគ្គលេខាបក្សកុម្មុយនិស្តវៀតណាម ទទួលជួបលោក Thongsalith Mangnomek ប្រធានខុទ្ទកាល័យមជ្ឈិមបក្សប្រជាជនបដិវត្តន៍ឡាវ

នៅក្នុងជំនួបនេះ លោក To Lam អគ្គលេខាបក្សបានវាយតំលៃខ្ពស់ចំពោះការដែលការិយាល័យមជ្ឈិមបក្សប្រជាជនបដិវត្តន៍ឡាវដែលបានសហការយ៉ាងជិតស្និទ្ធជាមួយខុទ្ទកាល័យមជ្ឈិមបក្សវៀតណាមក្នុងការសម្របសម្រួល ត្រួតពិនិត្យ និងជំរុញការអនុវត្តប្រកបដោយប្រសិទ្ធភាពនូវកិច្ចព្រមព្រៀងសហប្រតិបត្តិការ វៀតណាម-ឡាវ ព្រមទាំងចែករំលែកព័ត៌មាន និងបទពិសោធន៍ ជាពិសេសលើការងារផ្តល់យោបល់ លើការកសាងកម្មវិធីការងាររបស់ការិយាល័យនយោបាយ លេខាធិការដ្ឋាន និងការងារត្រៀមរៀបចំសម្រាប់មហាសន្និបាតរបស់បក្សនីមួយៗ រួមចំណែកលើកកំពស់គុណភាពនៃការស្រាវជ្រាវ និងផ្តល់យោបល់ដល់ថ្នាក់ដឹកនាំបក្សទាំងពីរ។

ទិដ្ឋភាពនៃជំនួប

លោក Thongsalith Mangnomek ប្រធានខុទ្ទកាល័យមជ្ឈិមបក្សប្រជាជនបដិវត្តន៍ឡាវ បានអះអាងថា ទោះស្ថិតក្នុងកាលៈទេសៈណាក៏ដោយ ខុទ្ទកាល័យមជ្ឈិមបក្សប្រជាជនបដិវត្តន៍ឡាវនឹងខិតខំប្រឹងប្រែងរួមចំណែកយ៉ាងសកម្មក្នុងការថែរក្សា និងពូនជ្រំទំនាក់ទំនងសាមគ្គីភាពពិសេស ឡាវ-វៀតណាម ឱ្យកាន់តែរីកចម្រើនថែមទៀត ដើម្បីផលប្រយោជន៍ជាក់ស្តែងរបស់ប្រជាជននៃប្រទេសនីមួយៗ៕

បកប្រែដោយ Huyen Trang